ಕಪುರ್ಥಾಲಾ: ಇಲ್ಲಿನ ರೈಲು ಕೋಚ್ ಫ್ಯಾಕ್ಟರಿ(RCF)ಯು 2026-27ನೇ ಸಾಲಿಗೆ ಕ್ರೀಡಾ ಕೋಟಾದಡಿ ವಿವಿಧ ಹುದ್ದೆಗಳ ಭರ್ತಿಗಾಗಿ ಅಧಿಸೂಚನೆ ಬಿಡುಗಡೆಗೊಳಿಸಿದೆ.
ಕಚೇರಿ/ಸಾಮಾನ್ಯ ಸಹಾಯಕ, ತಂತ್ರಜ್ಞ-III ಹಾಗೂ ಹಿರಿಯ ಗುಮಾಸ್ತ-ಕಮ್-ಟೈಪಿಸ್ಟ್ ಸೇರಿದಂತೆ ಸುಮಾರು 23 ಸ್ಥಾನಗಳಿಗೆ ಕ್ರೀಡಾ ಅಭ್ಯರ್ಥಿಗಳನ್ನು ನೇಮಕ ಪ್ರಕ್ರಿಯೆ ನಡೆಯಲಿದೆ. ಆಸಕ್ತ ಉದ್ಯೋಗಾಕಾಂಕ್ಷಿಗಳು ಆರ್ಸಿಎಫ್ ಅಧಿಕೃತ ವೆಬ್ಸೈಟ್ https://rcf.indianrailways.gov.in/view_section.jsp?lang=0&id=0,296,490ಗೆ ಭೇಟಿ ನೀಡಿ, ನಿಗದಿತ ಅರ್ಜಿ ನಮೂನೆಯನ್ನು ಡೌನ್ಲೋಡ್ ಮಾಡಿ ಅಗತ್ಯ ದಾಖಲಾತಿಗಳೊಂದಿಗೆ, ಜನರಲ್ ಮ್ಯಾನೇಜರ್ (ಸಿಬ್ಬಂದಿ) ನೇಮಕಾತಿ ಕೋಶ, ರೈಲು ಕೋಚ್ ಕಾರ್ಖಾನೆ, ಕಪುರ್ಥಾಲಾ, ಪಂಜಾಬ್ 144602ವಿಳಾಸಕ್ಕೆ ಅಂಚೆ ಮೂಲಕ ಜು.14 ರೊಳಗೆ ತಲುಪಿಸಬೇಕು.
✓ ಕಚೇರಿ/ಸಾಮಾನ್ಯ ಸಹಾಯಕ ಹುದ್ದೆಗಳಿಗೆ; ಅಭ್ಯರ್ಥಿಗಳು ಸರ್ಕಾರದಿಂದ ಮಾನ್ಯತೆ ಪಡೆದ ಮಂಡಳಿಯಿಂದ 10ನೇ ತರಗತಿ ತೇರ್ಗಡೆ/ಐಟಿಐ/ಎನ್ಸಿವಿಟಿ ಯಿಂದ ನೀಡಲಾದ ರಾಷ್ಟ್ರೀಯ ಅಪ್ರೆಂಟಿಸ್ಶಿಪ್ ಪ್ರಮಾಣಪತ್ರವನ್ನು ಹೊಂದಿರಬೇಕು.
✓ ತಂತ್ರಜ್ಞ-III ಹುದ್ದೆಗಳಿಗೆ; ಅಭ್ಯರ್ಥಿಗಳು ಸರ್ಕಾರದಿಂದ ಮಾನ್ಯತೆ ಪಡೆದ ಮಂಡಳಿಯಿಂದ 10ನೇ ತರಗತಿ ಉತ್ತೀರ್ಣ ಜೊತೆಗೆ ಸಂಬಂಧಿತ ಟ್ರೇಡ್ಗಳಲ್ಲಿ ಎನ್ಸಿವಿಟಿಯಿಂದ ನೀಡಲಾದ ಐಟಿಐ ಪ್ರಮಾಣಪತ್ರವನ್ನು ಹೊಂದಿರಬೇಕು.
✓ ಹಿರಿಯ ಗುಮಾಸ್ತ-ಕಮ್-ಟೈಪಿಸ್ಟ್; ಅಭ್ಯರ್ಥಿಗಳು ಮಾನ್ಯತೆ ಪಡೆದ ಸಂಸ್ಥೆ ಅಥವಾ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ ಪೂರ್ಣಗೊಳಿಸಿರಬೇಕು ಜೊತೆಗೆ ಕಂಪ್ಯೂಟರ್ನಲ್ಲಿ ಇಂಗ್ಲಿಷ್/ಹಿಂದಿ ಟೈಪಿಂಗ್ ನಲ್ಲಿ ಪ್ರಾವಣ್ಯತೆಯನ್ನು ಹೊಂದಿರಬೇಕು.
ವಯೋಮಿತಿ:
• 01-07-2026 ರಂತೆ
ಕನಿಷ್ಠ ವಯಸ್ಸಿನ ಮಿತಿ – 18 ವರ್ಷಗಳು ಗರಿಷ್ಠ ವಯಸ್ಸಿನ ಮಿತಿ – 25 ವರ್ಷಗಳು
ಆಯ್ಕೆ ವಿಧಾನ:
ಕ್ರೀಡಾ ಟ್ರಯಲ್(ಮಾನದಂಡಗಳ ಪ್ರಕಾರ ಮಾನ್ಯತೆ ಪಡೆದ ಕ್ರೀಡಾ ಸಾಧನೆಗಳ ಮೌಲ್ಯಮಾಪನ, ಆಟದ ಕೌಶಲ್ಯ, ದೈಹಿಕ ಸದೃಢತೆ ಮತ್ತು ಪ್ರಯೋಗಗಳ ಸಮಯದಲ್ಲಿ ತರಬೇತುದಾರರ ವೀಕ್ಷಣೆ)
ದಾಖಲೆಗಳ ಪರಶೀಲನೆ
ಸಂಬಳ:
ಕಚೇರಿ/ಸಾಮಾನ್ಯ ಸಹಾಯಕ ಹುದ್ದೆಗಳಿಗೆ ಗ್ರೇಡ್ ಪೇ – 1800 ತಂತ್ರಜ್ಞ-III ಹುದ್ದೆಗಳಿಗೆ ಗ್ರೇಡ್ ಪೇ – 1900 ಹಿರಿಯ ಗುಮಾಸ್ತ-ಕಮ್-ಟೈಪಿಸ್ಟ್ ಹುದ್ದೆಗಳಿಗೆ ಗ್ರೇಡ್ ಪೇ – 2400/2800
ಅರ್ಜಿ ಶುಲ್ಕ:
ಪ.ಜಾತಿ, ಪ.ಪಂಗಡ, ಮಾಜಿ ಸೈನಿಕರು, ಪಿಡಬ್ಲ್ಯೂಡಿ, ಮಹಿಳೆಯರು, ಅಲ್ಪಸಂಖ್ಯಾತರು ಹಾಗೂ ಆರ್ಥಿಕವಾಗಿ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ ರೂ.250/- ಉಳಿದ ಎಲ್ಲಾ ವರ್ಗದ ಅಭ್ಯರ್ಥಿಗಳಿಗೆ ರೂ.500/-
ಅಭ್ಯರ್ಥಿಗಳು ಅರ್ಜಿ ಶುಲ್ಕವನ್ನು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ PFA/RCF/KXH ನ ಆನ್ಲೈನ್ ಖಾತೆ ಸಂಖ್ಯೆ: 65035290377, IFSC ಕೋಡ್ SBIN0050540 ಗೆ ಜುಲೈ 14ರ ಮೊದಲು ಠೇವಣಿ ಇಡಲು ಸೂಚಿಸಲಾಗಿದೆ.
ಹೇಗೆ ಅರ್ಜಿ ಸಲ್ಲಿಕೆ..?
• ಮೊದಲಿಗೆ ಅಭ್ಯರ್ಥಿಗಳು RCF ಅಧಿಕೃತ ವೆಬ್ಸೈಟ್ https://rcf.indianrailways.gov.in/view_section.jsp?lang=0&id=0,296,490 ಗೆ ಭೇಟಿ ನೀಡಿ.
• ಬಳಿಕ ನೇಮಕಾತಿಗಳು ಶೀರ್ಷಿಕೆಯ ಕೆಳಗೆ ನೀಡಲಾಗಿರುವ *2026-27ನೇ ಸಾಲಿನ ಮುಕ್ತ ಜಾಹೀರಾತು ಕ್ರೀಡಾ ಕೋಟಾದ ಅಧಿಸೂಚನೆ* ಲಿಂಕ್ ಆಯ್ಕೆ ಮಾಡಿ.
• ನೇಮಕಾತಿಯ ಜಾಹೀರಾತು ವೀಕ್ಷಿಸಿ, ಅರ್ಜಿ ನಮೂನೆಯನ್ನು ಡೌನ್ಲೋಡ್ ಮಾಡಿ ಮುದ್ರಿಸಿ.
• ನಂತರ ಅರ್ಜಿಯಲ್ಲಿ ಕೇಳಲಾಗುವ ಸ್ವವಿವರ, ಸಹಿ, ಭಾವಚಿತ್ರ, ಅರ್ಜಿ ಶುಲ್ಕ ಪಾವತಿಸಿದ ರಶೀದಿಯ ಪ್ರತಿ, ಶೈಕ್ಷಣಿಕ ಮಾಹಿತಿ ಹಾಗೂ ಅಗತ್ಯ ದಾಖಲಾತಿಗಳನ್ನು ಲಗತ್ತಿಸಿ.
• ಲಕೋಟಿಯ ಮೇಲೆ “2026-2027ನೇ ಸಾಲಿನ ಕ್ರೀಡಾ ಕೋಟಾದ ವಿರುದ್ಧ ನೇಮಕಾತಿ ಹಂತ-01, ಹಂತ-02 ಮತ್ತು ಹಂತ- 4/5” ಎಂದು ನಮೂದಿಸಿ.
ಕಚೇರಿ ವಿಳಾಸಕ್ಕೆ: ಜನರಲ್ ಮ್ಯಾನೇಜರ್ (ಸಿಬ್ಬಂದಿ) ನೇಮಕಾತಿ ಕೋಶ, ರೈಲು ಕೋಚ್ ಕಾರ್ಖಾನೆ, ಕಪುರ್ಥಾಲಾ, ಪಂಜಾಬ್ – 144602 ಜುಲೈ 14ರೊಳಗೆ ತಲುಪುವಂತೆ ಅಂಚೆ ಮೂಲಕ ಕಳುಹಿಸಬಹುದು.
