ಸಿಬ್ಬಂದಿ ಆಯ್ಕೆ ಆಯೋಗ (SSC) ಜೂನಿಯರ್ ಇಂಜಿನಿಯರ್(JE) ಹುದ್ದೆಗಳ ನೇಮಕಾತಿ ನಡೆಸಿದ್ದ SSC JE ಟೈರ್ 1 ಪರೀಕ್ಷೆಯ ಫಲಿತಾಂಶಗಳನ್ನು ಇಂದು (ಆಗಸ್ಟ್ 20) ಪ್ರಕಟಿಸಿದೆ. ಪರೀಕ್ಷೆಗೆ ಹಾಜರಾದ ಅಭ್ಯರ್ಥಿಗಳು SSC ಅಧಿಕೃತ ವೆಬ್‌ಸೈಟ್‌ ನಲ್ಲಿ ಫಲಿತಾಂಶವನ್ನು ಪರಿಶೀಲಿಸಬಹುದಾಗಿದೆ.
SSC JE ಟೈರ್ 1 ಪರೀಕ್ಷೆಯನ್ನು ಜೂನ್ 5, 6 ಮತ್ತು 7 ರಂದು ದೇಶದ ವಿವಿಧ ಪರೀಕ್ಷಾ ಕೇಂದ್ರಗಳಲ್ಲಿ ಆನ್ ಲೈನ್ ಮೂಲಕ ನಡೆಸಲಾಗಿತ್ತು. ಈ ಪರೀಕ್ಷೆಯಲ್ಲಿ (ಟೈರ್ 1) ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳು ಟೈರ್ 2 ಪರೀಕ್ಷೆಗೆ ಹಾಜರಾಗಲು ಅರ್ಹರಾಗುತ್ತಾರೆ. ಫಲಿತಾಂಶದೊಂದಿಗೆ ಅಭ್ಯರ್ಥಿಗಳ ಕಟ್-ಆಫ್ ಮಾರ್ಕ್ಸ್‌ಗಳನ್ನೂ ಪ್ರಕಟಿಸಲಾಗುವುದು. ಸಿವಿಲ್ ಎಂಜಿನಿಯರಿಂಗ್, ಮೆಕ್ಯಾನಿಕಲ್ ಎಂಜಿನಿಯರಿಂಗ್, ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ ಸೇರಿದಂತೆ ಒಟ್ಟು 1765 ಹುದ್ದೆಗಳಿಗೆ ನೇಮಕಾತಿ ಮಾಡಿಕೊಳ್ಳಲಾಗುತ್ತಿದೆ.
SSC JE ಫಲಿತಾಂಶ 2024 ಅನ್ನು ಡೌನ್‌ಲೋಡ್ ಮಾಡಲು SSC ಅಧಿಕೃತ ವೆಬ್ ಸೈಟ್ ssc.gov.in ಭೇಟಿ ನೀಡುವ ಮೂಲಕ ಡೌನ್‌ಲೋಡ್ ಮಾಡಬಹುದು. ಫಲಿತಾಂಶವು PDF ಸ್ವರೂಪದಲ್ಲಿ ಲಭ್ಯವಿರುತ್ತದೆ. ಈ ಲೇಖನದಲ್ಲಿ ಟೈರ್ 1(SSC JE Result 2024 Tier 1) ಪರೀಕ್ಷೆಯ ಫಲಿತಾಂಶಗಳನ್ನು ಆನ್ ಲೈನ್ ಮೂಲಕ ವೀಕ್ಷಿಸುವುದು ಹೇಗೆ ಎಂಬುದರ ಕುರಿತು ಮಾಹಿತಿ ನೀಡಲಾಗಿದ್ದು, ಗಮನವಿಟ್ಟು ಓದಿರಿ.
How to Download SSC JE Result 2024 Tier 1
SSC JE 2024 ಶ್ರೇಣಿ 1 ಪರೀಕ್ಷೆಯ ಫಲಿತಾಂಶವನ್ನು ಆನ್‌ಲೈನ್‌ನಲ್ಲಿ ವೀಕ್ಷಿಸುವುದು ಹೇಗೆ…?
ಅಧಿಕೃತ SSC ವೆಬ್‌ಸೈಟ್‌ಗೆ ssc.gov.in ಭೇಟಿ ನೀಡಿ:
ಮುಖಪುಟದಲ್ಲಿ ಕಾಣುವ “ಫಲಿತಾಂಶಗಳು” ಅಥವಾ “SSC JE 2024 ಶ್ರೇಣಿ 1 ಫಲಿತಾಂಶ” ಎಂಬ ಲಿಂಕ್ ಅನ್ನು ಹುಡುಕಿ.
ನಂತರ ಮತ್ತೊಂದು ವೆಬ್ ಪೇಜ್ ತೆರೆದುಕೊಳ್ಳುತ್ತದೆ, ನಿಮ್ಮ ನೋಂದಣಿ ಸಂಖ್ಯೆ ಅಥವಾ ರೋಲ್ ನಂಬರ್ ಮತ್ತು ಪಾಸ್‌ವರ್ಡ್ ಅಥವಾ ಜನ್ಮ ದಿನಾಂಕವನ್ನು ನಮೂದಿಸಿ.
ಎಲ್ಲಾ ವಿವರಗಳನ್ನು ನಮೂದಿಸಿದ ನಂತರ, “ಸಲ್ಲಿಸು” ಅಥವಾ “ಫಲಿತಾಂಶವನ್ನು ವೀಕ್ಷಿಸಿ” ಬಟನ್ ಕ್ಲಿಕ್ ಮಾಡಿ.
SSC JE 2024 ಶ್ರೇಣಿ 1 ಪರೀಕ್ಷೆಯ ಫಲಿತಾಂಶಗಳು ಕಾಣಿಸಿಕೊಳ್ಳುತ್ತದೆ, ಅದನ್ನು ಉಳಿಸಿಕೊಂಡು ಪ್ರಿಂಟೌಟ್ ತೆಗೆದುಕೊಳ್ಳಿ.
