ಇಸ್ರೋ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಲ್ಲಿ ಉದ್ಯೋಗಗಳು; ಅರ್ಜಿ ಆಹ್ವಾನ

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭದ ದಿನಾಂಕ- ಅಕ್ಟೋಬರ್ 19
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ- ನವೆಂಬರ್‌ 09(ರಾತ್ರಿ 23:59 ಗಂಟೆಯವರೆಗೆ)

ಶೈಕ್ಷಣಿಕ ಅರ್ಹತೆ:

ತಾಂತ್ರಿಕ ಸಹಾಯಕ (ಪೋಸ್ಟ್‌ ಕೋಡ್ 07 to 11) ಹುದ್ದೆಗೆ; ಮಾನ್ಯತೆ ಪಡೆದ ವಿಶ್ವವಿದ್ಯಾಲಯ/ಸಂಸ್ಥೆಯಿಂದ ಸಂಬಂಧಪಟ್ಟ ಇಂಜಿನಿಯರಿಂಗ್ ವಿಭಾಗದಲ್ಲಿ (ಮೆಕ್ಯಾನಿಕಲ್, ಎಲೆಕ್ಟ್ರಿಕಲ್, ಕಂಪ್ಯೂಟರ್ ಸೈನ್ಸ್, ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್, ಸಿವಿಲ್) ಪ್ರಥಮ ದರ್ಜೆಯ ಡಿಪ್ಲೊಮಾ (ಕನಿಷ್ಠ 3 ವರ್ಷಗಳ ಅವಧಿ) ಹೊಂದಿರಬೇಕು.

ವೈಜ್ಞಾನಿಕ ಸಹಾಯಕ (ಪೋಸ್ಟ್‌ ಕೋಡ್ 12 & 13) ಹುದ್ದೆಗೆ; ಭೌತಶಾಸ್ತ್ರ- ಪ್ರಥಮ ದರ್ಜೆ ಬಿ.ಎಸ್ಸಿ. (ಭೌತಶಾಸ್ತ್ರ ಮುಖ್ಯ ವಿಷಯ ಹಾಗೂ ಗಣಿತ ಮತ್ತು ರಸಾಯನಶಾಸ್ತ್ರ ಪೂರಕ ವಿಷಯಗಳಾಗಿರಬೇಕು). ಲಲಿತಕಲೆ/ದೃಶ್ಯಕಲೆ- ಪ್ರಥಮ ದರ್ಜೆಯ ಬ್ಯಾಚುಲರ್ ಆಫ್ ಫೈನ್ ಆರ್ಟ್ಸ್ (ಫೋಟೋಗ್ರಫಿ) / ವಿಶುವಲ್ ಆರ್ಟ್ಸ್ (ಸಿನೆಮಟೋಗ್ರಫಿ) ಪದವಿ.

ಲೈಬ್ರರಿ ಅಸಿಸ್ಟೆಂಟ್ ‘ಎ’ (ಪೋಸ್ಟ್‌ ಕೋಡ್ 14) ಹುದ್ದೆಗೆ; ಪ್ರಥಮ ದರ್ಜೆ ಪದವಿ ಮತ್ತು ಪ್ರಥಮ ದರ್ಜೆಯ ಲೈಬ್ರರಿ ಸೈನ್ಸ್ / ಲೈಬ್ರರಿ ಮತ್ತು ಇನ್ಫರ್ಮೇಷನ್ ಸೈನ್ಸ್‌ನಲ್ಲಿ ಸ್ನಾತಕೋತ್ತರ ಪದವಿ.

ನರ್ಸ್ ‘ಬಿ’ (ಪೋಸ್ಟ್‌ ಕೋಡ್ 15) ಹುದ್ದೆಗೆ; ಕನಿಷ್ಠ 3 ವರ್ಷಗಳ ಅವಧಿಯ ಪ್ರಥಮ ದರ್ಜೆ ನರ್ಸಿಂಗ್ ಡಿಪ್ಲೊಮಾ ಮತ್ತು ರಾಜ್ಯ ನರ್ಸಿಂಗ್ ಕೌನ್ಸಿಲ್‌ನಲ್ಲಿ ನೋಂದಣಿಯಾಗಿರಬೇಕು.

ಟೆಕ್ನಿಷಿಯನ್ ‘ಬಿ’ / ಡ್ರಾಫ್ಟ್ಸ್‌ಮನ್ ‘ಬಿ’ (Technician ‘B’ / Draughtsman ‘B’ – Post Code 16 to 25) ಹುದ್ದೆಗೆ; ಎಸ್‌ಎಸ್‌ಎಲ್‌ಸಿ/ಎಸ್‌ಎಸ್‌ಸಿ (SSLC/SSC) ತೇರ್ಗಡೆ ಮತ್ತು ಎನ್‌ಸಿವಿಟಿ (NCVT) ಇಂದ ಸಂಬಂಧಿಸಿದ ಟ್ರೇಡ್‌ನಲ್ಲಿ ಐಟಿಐ/ಎನ್‌ಟಿಸಿ/ಎನ್‌ಎಸಿ (ITI/NTC/NAC) ಹೊಂದಿರಬೇಕು.

ಫೈರ್‌ಮ್ಯಾನ್ ‘ಎ’ (ಪೋಸ್ಟ್‌ ಕೋಡ್ 26) ಹುದ್ದೆಗೆ; ಎಸ್‌ಎಸ್‌ಎಲ್‌ಸಿ/ಎಸ್‌ಎಸ್‌ಸಿ/ಮೆಟ್ರಿಕ್ಯುಲೇಷನ್ ತೇರ್ಗಡೆ ಮತ್ತು ನಿಗದಿತ ದೈಹಿಕ ಫಿಟ್‌ನೆಸ್ ಹಾಗೂ ದೈಹಿಕ ದಕ್ಷತೆ ಪರೀಕ್ಷೆಯ ಮಾನದಂಡಗಳನ್ನು ಪೂರೈಸಬೇಕು.

ಲಘು ವಾಹನ ಚಾಲಕ ‘ಎ’ (ಪೋಸ್ಟ್‌ ಕೋಡ್ 27 & 30) ಹುದ್ದೆಗೆ; ಎಸ್‌ಎಸ್‌ಎಲ್‌ಸಿ/ಎಸ್‌ಎಸ್‌ಸಿ/ಮೆಟ್ರಿಕ್ಯುಲೇಷನ್ ತೇರ್ಗಡೆ, ಸಿಂಧುತ್ವ ಹೊಂದಿರುವ ಎಲ್‌ವಿಡಿ ಲೈಸೆನ್ಸ್ ಮತ್ತು ಲಘು ವಾಹನ ಚಾಲಕರಾಗಿ 3 ವರ್ಷಗಳ ಅನುಭವ ಹೊಂದಿರಬೇಕು.

ಭಾರೀ ವಾಹನ ಚಾಲಕ ‘ಎ’ (ಪೋಸ್ಟ್‌ ಕೋಡ್ 28) ಹುದ್ದೆಗೆ; ಎಸ್‌ಎಸ್‌ಎಲ್‌ಸಿ/ಎಸ್‌ಎಸ್‌ಸಿ/ಮೆಟ್ರಿಕ್ಯುಲೇಷನ್ ತೇರ್ಗಡೆ, ಎಚ್‌ವಿಡಿ ಲೈಸೆನ್ಸ್ ಮತ್ತು ಒಟ್ಟು 5 ವರ್ಷಗಳ ಚಾಲನಾ ಅನುಭವ (ಇದರಲ್ಲಿ ಕನಿಷ್ಠ 3 ವರ್ಷ ಭಾರೀ ವಾಹನ ಚಾಲಕರಾಗಿ ಮತ್ತು ಉಳಿದ ಅವಧಿ ಲಘು ವಾಹನ ಚಾಲನಾ ಅನುಭವ) ಹೊಂದಿರಬೇಕು.

ಮಲ್ಟಿ ಟಾಸ್ಕಿಂಗ್ ಸ್ಟಾಫ್ (ಎಂಟಿಎಸ್ – ಪೋಸ್ಟ್‌ ಕೋಡ್ 29) ಹುದ್ದೆಗೆ; ಮೆಟ್ರಿಕ್ಯುಲೇಷನ್/ಎಸ್‌ಎಸ್‌ಎಲ್‌ಸಿ/ಎಸ್‌ಎಸ್‌ಸಿ ಅಥವಾ ತತ್ಸಮಾನ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿರಬೇಕು.

ವಯೋಮಿತಿ:

09-11-2026ರಂತೆ;

ಹುದ್ದೆ ಕೋಡ್ 07 ರಿಂದ 25, 27, 28 ಮತ್ತು 30 ಹುದ್ದೆಗೆ ವಯಸ್ಸಿನ ಮಿತಿಯು 18 ರಿಂದ 35 ವರ್ಷಗಳು.

ಹುದ್ದೆ ಕೋಡ್ 26 ಮತ್ತು 29 ಹುದ್ದೆಗೆ ವಯಸ್ಸಿನ ಮಿತಿಯು 18 ರಿಂದ 25 ವರ್ಷಗಳು.

ವಯೋಮಿತಿ ಸಡಿಲಿಕೆ: ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ 5 ವರ್ಷ ಹಾಗೂ ಒಬಿಸಿ ಅಭ್ಯರ್ಥಿಗಳಿಗೆ 3 ವರ್ಷಗಳ ವಯೋಮಿತಿ ಸಡಿಲಿಕೆ ಇರುತ್ತದೆ (ಮೀಸಲಾತಿ ಇರುವ ಹುದ್ದೆಗಳಿಗೆ ಮಾತ್ರ). ಮಾಜಿ ಸೈನಿಕರು, ವಿಕಲಚೇತನರು (PwBD) ಮತ್ತು ಕೇಂದ್ರ ಸರ್ಕಾರಿ ನೌಕರರಿಗೆ ನಿಯಮಾನುಸಾರ ವಯೋಮಿತಿ ಸಡಿಲಿಕೆ ಇರುತ್ತದೆ.

ಆಯ್ಕೆ ಪ್ರಕ್ರಿಯೆ:

ಹುದ್ದೆಗಳಿಗೆ ಅನುಗುಣವಾಗಿ ಆಯ್ಕೆ ಪ್ರಕ್ರಿಯೆಯು ಈ ಕೆಳಗಿನಂತಿರುತ್ತದೆ:

ತಾಂತ್ರಿಕ ಸಹಾಯಕ/ವೈಜ್ಞಾನಿಕ ಸಹಾಯಕ/ಲೈಬ್ರರಿ ಅಸಿಸ್ಟೆಂಟ್ ‘ಎ’/ಟೆಕ್ನಿಷಿಯನ್ ‘ಬಿ’/ಡ್ರಾಫ್ಟ್ಸ್‌ಮನ್ ‘ಬಿ’ ಹುದ್ದೆಗೆ; ಲಿಖಿತ ಪರೀಕ್ಷೆ (Written Test – 80 ಅಂಕಗಳ MCQ) ಮತ್ತು ಕೌಶಲ್ಯ ಪರೀಕ್ಷೆ (Skill Test – 100 ಅಂಕಗಳು, ಅರ್ಹತಾ ಸ್ವರೂಪದ್ದು ಮಾತ್ರ).

ನರ್ಸ್ ‘ಬಿ’ ಹುದ್ದೆಗೆ; ಲಿಖಿತ ಪರೀಕ್ಷೆ (80 ಅಂಕಗಳು, 120 ನಿಮಿಷಗಳು) ಮತ್ತು ಕೌಶಲ್ಯ ಪರೀಕ್ಷೆ (ಅರ್ಹತಾ ಸ್ವರೂಪದ್ದು).

ಫೈರ್‌ಮ್ಯಾನ್ ‘ಎ’ ಹುದ್ದೆಗೆ; ಲಿಖಿತ ಪರೀಕ್ಷೆ (80 ಅಂಕಗಳು, 120 ನಿಮಿಷಗಳು), ದೈಹಿಕ ದಕ್ಷತೆ ಪರೀಕ್ಷೆ (PET – ಹಂತ 1 ಮತ್ತು ಹಂತ 2) ಮತ್ತು ವಿವರವಾದ ವೈದ್ಯಕೀಯ ತಪಾಸಣೆ (DME).

ಲಘು ಮತ್ತು ಭಾರೀ ವಾಹನ ಚಾಲಕರು ಹುದ್ದೆಗೆ; ಲಿಖಿತ ಪರೀಕ್ಷೆ (100 ಪ್ರಶ್ನೆಗಳು, 120 ನಿಮಿಷಗಳು) ಮತ್ತು ಪ್ರಾಯೋಗಿಕ ಕೌಶಲ್ಯ ಪರೀಕ್ಷೆ (ಕನಿಷ್ಠ 60% ಅಂಕಗಳೊಂದಿಗೆ ತೇರ್ಗಡೆಯಾಗಬೇಕು).

ಮಲ್ಟಿ ಟಾಸ್ಕಿಂಗ್ ಸ್ಟಾಫ್ (MTS) ಹುದ್ದೆಗೆ; ಕೇವಲ ಲಿಖಿತ ಪರೀಕ್ಷೆಯ (100 ಪ್ರಶ್ನೆಗಳು, 90 ನಿಮಿಷಗಳು) ಅಂಕಗಳ ಆಧಾರದ ಮೇಲೆ ಆಯ್ಕೆ ಮಾಡಲಾಗುತ್ತದೆ.

(ಲಿಖಿತ ಪರೀಕ್ಷೆಗಳನ್ನು ಆನ್‌ಲೈನ್ ಕಂಪ್ಯೂಟರ್ ಆಧಾರಿತ ಪರೀಕ್ಷೆ (CBT) ಮೂಲಕ ಬೆಂಗಳೂರು, ಹುಬ್ಬಳ್ಳಿ ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ನಡೆಸಲಾಗುತ್ತದೆ).

ಸಂಬಳ ಮತ್ತು ಭತ್ಯೆಗಳು:

ತಾಂತ್ರಿಕ ಸಹಾಯಕ/ವೈಜ್ಞಾನಿಕ ಸಹಾಯಕ/ಲೈಬ್ರರಿ ಅಸಿಸ್ಟೆಂಟ್ ‘ಎ’/ನರ್ಸ್ ‘ಬಿ’ (ಲೆವೆಲ್‌ 7) ಹುದ್ದೆಗಳಿಗೆ: ಅಂದಾಜು ಆರಂಭಿಕ ಒಟ್ಟು ವೇತನ ತಿಂಗಳಿಗೆ ರೂ.71,840/- (ಮೂಲ ವೇತನ + ತುಟ್ಟಿಭತ್ಯೆ) ಮತ್ತು ನಿಯಮಾನುಸಾರ ಮನೆ ಬಾಡಿಗೆ ಭತ್ಯೆ (HRA) ಹಾಗೂ ಸಾರಿಗೆ ಭತ್ಯೆ ದೊರೆಯುತ್ತದೆ.

ಟೆಕ್ನಿಷಿಯನ್ ‘ಬಿ’/ಡ್ರಾಫ್ಟ್ಸ್‌ಮನ್ ‘ಬಿ'(ಲೆವೆಲ್ 3)‌ ಹುದ್ದೆಗೆ; ಅಂದಾಜು ಆರಂಭಿಕ ಒಟ್ಟು ವೇತನ ತಿಂಗಳಿಗೆ ರೂ.34,720/- (ಮೂಲ ವೇತನ + ತುಟ್ಟಿಭತ್ಯೆ) ಮತ್ತು ಇತರ ಭತ್ಯೆಗಳು.

ಫೈರ್‌ಮ್ಯಾನ್ ‘ಎ’/ಲಘು ಮತ್ತು ಭಾರೀ ವಾಹನ ಚಾಲಕರು(ಲೆವೆಲ್ 2)‌ ಹುದ್ದೆಗೆ; ಅಂದಾಜು ಆರಂಭಿಕ ಒಟ್ಟು ವೇತನ ತಿಂಗಳಿಗೆ ರೂ.31,840/- (ಮೂಲ ವೇತನ + ತುಟ್ಟಿಭತ್ಯೆ) ಮತ್ತು ಇತರ ಭತ್ಯೆಗಳು.

ಮಲ್ಟಿ ಟಾಸ್ಕಿಂಗ್ ಸ್ಟಾಫ್(ಎಂಟಿಎಸ್) (ಲೆವೆಲ್ 1)‌ ಹುದ್ದೆಗೆ; ಅಂದಾಜು ಆರಂಭಿಕ ಒಟ್ಟು ವೇತನ ತಿಂಗಳಿಗೆ ರೂ.28,800/- (ಮೂಲ ವೇತನ + ತುಟ್ಟಿಭತ್ಯೆ) ಮತ್ತು ಇತರ ಭತ್ಯೆಗಳು.

ಅರ್ಜಿ ಶುಲ್ಕ:

ಹುದ್ದೆ ಕೋಡ್ 07 ರಿಂದ 15 ಕ್ಕೆ: ಎಲ್ಲಾ ಅಭ್ಯರ್ಥಿಗಳಿಗೆ ಆರಂಭದಲ್ಲಿ ರೂ.750/- ಪ್ರಕ್ರಿಯೆ ಶುಲ್ಕವಿರುತ್ತದೆ. ಲಿಖಿತ ಪರೀಕ್ಷೆಗೆ ಹಾಜರಾಗುವ ಮಹಿಳಾ, ಎಸ್‌ಸಿ/ಎಸ್‌ಟಿ, ವಿಕಲಚೇತನ ಮತ್ತು ಮಾಜಿ ಸೈನಿಕ ಅಭ್ಯರ್ಥಿಗಳಿಗೆ ಸಂಪೂರ್ಣ ರೂ.750/- ಮರುಪಾವತಿ ಮಾಡಲಾಗುತ್ತದೆ. ಇತರ ಅಭ್ಯರ್ಥಿಗಳಿಗೆ ರೂ. 250/- ಅರ್ಜಿ ಶುಲ್ಕ ಕಡಿತಗೊಳಿಸಿ ರೂ.500/- ಮರುಪಾವತಿ ಮಾಡಲಾಗುತ್ತದೆ.

ಹುದ್ದೆ ಕೋಡ್ 16 ರಿಂದ 30 ಕ್ಕೆ: ಎಲ್ಲಾ ಅಭ್ಯರ್ಥಿಗಳಿಗೆ ಆರಂಭದಲ್ಲಿ ರೂ.500/- ಪ್ರಕ್ರಿಯೆ ಶುಲ್ಕವಿರುತ್ತದೆ. {ಲಿಖಿತ ಪರೀಕ್ಷೆಗೆ ಹಾಜರಾಗುವ ಮಹಿಳಾ, ಎಸ್‌ಸಿ/ಎಸ್‌ಟಿ, ವಿಕಲಚೇತನ ಮತ್ತು ಮಾಜಿ ಸೈನಿಕ ಅಭ್ಯರ್ಥಿಗಳಿಗೆ ಸಂಪೂರ್ಣ ರೂ.500/- ಮರುಪಾವತಿ ಮಾಡಲಾಗುತ್ತದೆ.} ಇತರ ಅಭ್ಯರ್ಥಿಗಳಿಗೆ ರೂ.100/- ಅರ್ಜಿ ಶುಲ್ಕ ಕಡಿತಗೊಳಿಸಿ ರೂ.400/- ಮರುಪಾವತಿಮಾಡಲಾಗುತ್ತದೆ.

(ಗಮನಿಸಿ: ಪರೀಕ್ಷೆಗೆ ಗೈರುಹಾಜರಾಗುವ ಅಭ್ಯರ್ಥಿಗಳಿಗೆ ಯಾವುದೇ ಶುಲ್ಕ ಮರುಪಾವತಿ ಇರುವುದಿಲ್ಲ).

ಅರ್ಜಿ ಸಲ್ಲಿಕೆ ಹೇಗೆ?

ಇಸ್ರೋ ಎಸ್‌ಡಿಎಸ್‌ಸಿ ಶಾರ್ ಅಧಿಕೃತ ವೆಬ್‌ಸೈಟ್ http://www.shar.gov.in ಅಥವಾ https://apps.shar.gov.in ಗೆ ಭೇಟಿ ನೀಡಿ.. ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬಹುದು.

ಪ್ರಮುಖ ಲಿಂಕ್‌ಗಳು: