ಸಿವಿಲ್ ಪೊಲೀಸ್ ಕಾನ್ಸ್ಟೇಬಲ್‌‌ ಪರೀಕ್ಷೆ ಕೀ ಉತ್ತರ ಪ್ರಕಟ

ಬೆಂಗಳೂರು: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಸಿವಿಲ್ ಪೊಲೀಸ್ ಕಾನ್ಸ್ಟೇಬಲ್‌‌ ಹುದ್ದೆಗಳ ಭರ್ತಿಗಾಗಿ ಆ.02ರಂದು ನಡೆಸಿದ್ದ ಸ್ಪರ್ಧಾತ್ಮಕ ಪರೀಕ್ಷೆಗಳ ಕೀ ಉತ್ತರಗಳನ್ನು ಸೋಮವಾರ(ಆ.03)ರಂದು ಪ್ರಕಟಿಸಿದೆ.

ಆರ್‌ಪಿಸಿ ವೃಂದದ ಪರೀಕ್ಷೆಯನ್ನು ಬೆಳಗ್ಗೆ 10:30ರಿಂದ ಮಧ್ಯಾಹ್ನ 12 ಗಂಟೆವರೆಗೆ ಹಾಗೂ ಕೆಕೆ ವೃಂದದ ಪರೀಕ್ಷೆಯನ್ನು ಸಂಜೆ 4ರಿಂದ 5.30ರವೆರೆಗೆ ರಾಜ್ಯದ ವಿವಿಧ ಪರೀಕ್ಷಾ ಕೇಂದ್ರದಲ್ಲಿ ಯಶಸ್ವಿಯಾಗಿ ನಡೆಸಲಾಗಿತ್ತು.

ಪ್ರಕಟಿತ ಕೀ ಉತ್ತರಗಳಿಗೆ ಆ.06ರ ಬೆಳಗ್ಗೆ 10:30ರೊಳಗೆ ಪ್ರತಿ ಆಕ್ಷೇಪಣೆಗೆ ರೂ.25/-ರಂತೆ ಪಾವತಿಸುವ ಮೂಲಕ ಆಕ್ಷೇಪಣೆ ಸಲ್ಲಿಸಬಹುದು. ಆಕ್ಷೇಪಣೆ ಸಲ್ಲಿಸುವಾಗ ಪ್ರಶ್ನೆ ಪತ್ರಿಕೆ ಸಂಖ್ಯೆ ಹಾಗೂ ವರ್ಷನ್‌ ಕೋಡ್‌ ತಪ್ಪದೇ ನಮೂದಿಸಬೇಕೆಂದು ಸೂಚಿಸಿಲಾಗಿದೆ.