ಭಾರತದ ಸರ್ವೋಚ್ಚ ನ್ಯಾಯಾಲಯವು(ಸುಪ್ರೀಂ ಕೋರ್ಟ್ ಆಫ್‌ ಇಂಡಿಯಾ) ನಾನ್-ಗೆಜೆಟೆಡ್ ಗ್ರೂಪ್-ಬಿ ವೃಂದದ ಹಿರಿಯ ವೈಯಕ್ತಿಕ ಸಹಾಯಕ(ಸೀನಿಯರ್‌ ಪರ್ಸನಲ್‌ ಅಸಿಸ್ಟಂಟ್) ಹುದ್ದೆಗಳ ನೇರ ನೇಮಕಾತಿಗಾಗಿ ಆನ್ಲೈನ್ ಮೂಲಕ ಅರ್ಜಿಗಳನ್ನು ಆಹ್ವಾನಿಸಿದೆ.
ಒಟ್ಟು 65(ತಾತ್ಕಾಲಿಕ) ಸ್ಥಾನಗಳಿಗೆ ವಿವಿಧ ಹಂತದ ಪರೀಕ್ಷೆಗಳ ಮೂಲಕ ಅರ್ಹ ಅಭ್ಯರ್ಥಿಗಳನ್ನು ಭರ್ತಿ ಮಾಡಿಕೊಳ್ಳಲಿದೆ.
ಪ್ರಮುಖ ದಿನಾಂಕಗಳು:
- ಆನ್ಲೈನ್ ಅರ್ಜಿ ಸಲ್ಲಿಕೆ ಆರಂಭದ ದಿನಾಂಕ- ಅಕ್ಟೋಬರ್ 20
- ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ- ನವೆಂಬರ್ 10 (ರಾತ್ರಿ 11:55 ರವರೆಗೆ)
- ವಸ್ತುನಿಷ್ಠ ಮಾದರಿಯ ಪರೀಕ್ಷೆ(ಓಟಿಟಿ) ನಡೆಯುವ ತಾತ್ಕಾಲಿಕ ದಿನಾಂಕ- ಡಿಸೆಂಬರ್ 7
- ಓಟಿಟಿ ಉತ್ತರ ಕೀಲಿಗಳನ್ನು ಪ್ರಕಟಿಸುವ ದಿನಾಂಕ- ಡಿಸೆಂಬರ್ 8
- ಆಕ್ಷೇಪಣೆ ಸಲ್ಲಿಸಲು ತಾತ್ಕಾಲಿಕ ದಿನಾಂಕಗಳು- ಡಿಸೆಂಬರ್ 8 ರಿಂದ 9ರವರೆಗೆ(ರಾತ್ರಿ 11:55 ರವರೆಗೆ)
ಶೈಕ್ಷಣಿಕ ಅರ್ಹತೆ:
ಅಭ್ಯರ್ಥಿಗಳು ಭಾರತದಲ್ಲಿ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ಪದವಿ(Any Degree) ಹೊಂದಿರಬೇಕು.
ಇಂಗ್ಲಿಷ್ ಶೀಘ್ರಲಿಪಿಯಲ್ಲಿ(Shorthand) ನಿಮಿಷಕ್ಕೆ 110 ಪದಗಳ ವೇಗವನ್ನು ಹಾಗೂ ಕಂಪ್ಯೂಟರ್ ಕಾರ್ಯಾಚರಣೆಯ ಜ್ಞಾನದೊಂದಿಗೆ ನಿಮಿಷಕ್ಕೆ 40 ಪದಗಳ ಟೈಪಿಂಗ್ ವೇಗವನ್ನು ಹೊಂದಿರಬೇಕು.
ವಯೋಮಿತಿ:
01-10-2026ರಂತೆ; ಕನಿಷ್ಠ ವಯಸ್ಸು 18 ವರ್ಷಗಳು
ಗರಿಷ್ಠ ವಯಸ್ಸು: 30 ವರ್ಷಗಳು.
ಭಾರತ ಸರ್ಕಾರದ ನಿಯಮಗಳ ಪ್ರಕಾರ, ಪರಿಶಿಷ್ಟ ಜಾತಿ(SC), ಪರಿಶಿಷ್ಟ ಪಂಗಡ(ST), ಇತರ ಹಿಂದುಳಿದ ವರ್ಗಗಳು(OBC – Non-Creamy Layer), ದಿವ್ಯಾಂಗರು ಮತ್ತು ಮಾಜಿ ಸೈನಿಕರಿಗೆ ವಯೋಮಿತಿ ಸಡಿಲಿಕೆ ಇರುತ್ತದೆ.
ಸ್ವಾತಂತ್ರ್ಯ ಹೋರಾಟಗಾರರ ಅವಲಂಬಿತರಿಗೆ ಗರಿಷ್ಠ 5 ವರ್ಷಗಳ ಸಡಿಲಿಕೆ ಇರುತ್ತದೆ. ಸುಪ್ರೀಂ ಕೋರ್ಟ್ ರಿಜಿಸ್ಟ್ರಿಯ ಇಲಾಖಾ ಅಭ್ಯರ್ಥಿಗಳಿಗೆ ಯಾವುದೇ ಗರಿಷ್ಠ ವಯೋಮಿತಿ ಇರುವುದಿಲ್ಲ.
ಆಯ್ಕೆ ಪ್ರಕ್ರಿಯೆ:
ಆಯ್ಕೆ ಪ್ರಕ್ರಿಯೆಯು ಈ ಕೆಳಗಿನ ನಾಲ್ಕು ಹಂತಗಳ ಪರೀಕ್ಷೆಗಳನ್ನು ಒಳಗೊಂಡಿರುತ್ತದೆ:
- ವಸ್ತುನಿಷ್ಠ ಮಾದರಿಯ ಪರೀಕ್ಷೆ (Objective Type Test): 100 ಅಂಕಗಳ ಈ ಪರೀಕ್ಷೆಯು 1½ ಗಂಟೆಗಳ ಅವಧಿಯದ್ದಾಗಿರುತ್ತದೆ (ಕನಿಷ್ಠ ಅರ್ಹತಾ ಅಂಕಗಳು 50). ಇದರಲ್ಲಿ ನೆಗೆಟಿವ್ ಮಾರ್ಕಿಂಗ್ ಇರುವುದಿಲ್ಲ.
- ಸಾಮಾನ್ಯ ಇಂಗ್ಲಿಷ್ (25 ಪ್ರಶ್ನೆಗಳು), ಸಾಮಾನ್ಯ ಜ್ಞಾನ (25 ಪ್ರಶ್ನೆಗಳು), ಸಂವಿಧಾನದಲ್ಲಿನ ನ್ಯಾಯಾಂಗಕ್ಕೆ ಸಂಬಂಧಿಸಿದ ನಿಬಂಧನೆಗಳು (25 ಪ್ರಶ್ನೆಗಳು), ಸುಪ್ರೀಂ ಕೋರ್ಟ್ ನಿಯಮಗಳು 2013 (15 ಪ್ರಶ್ನೆಗಳು) ಮತ್ತು ಕಂಪ್ಯೂಟರ್ ಜ್ಞಾನ (10 ಪ್ರಶ್ನೆಗಳು) ಇರುತ್ತವೆ.
- ಇಂಗ್ಲಿಷ್ ಶೀಘ್ರಲಿಪಿ ಪರೀಕ್ಷೆ (Shorthand Test): ನಿಮಿಷಕ್ಕೆ 110 ಪದಗಳ ವೇಗದಲ್ಲಿ 7 ನಿಮಿಷಗಳ ಡಿಕ್ಟೇಷನ್ ಇರುತ್ತದೆ. ಲಿಪ್ಯಂತರಕ್ಕೆ (Transcription) 45 ನಿಮಿಷಗಳ ಸಮಯ ನೀಡಲಾಗುತ್ತದೆ. ಗರಿಷ್ಠ ಅಂಕಗಳು 100 (ಕನಿಷ್ಠ ಅರ್ಹತಾ ಅಂಕಗಳು 50). ಗರಿಷ್ಠ ಶೇ.5 ರಷ್ಟು ತಪ್ಪುಗಳಿಗೆ ಮಾತ್ರ ಅವಕಾಶವಿರುತ್ತದೆ.
- ಕಂಪ್ಯೂಟರ್ ಟೈಪಿಂಗ್ ವೇಗ ಪರೀಕ್ಷೆ (Typing Speed Test): ಇಂಗ್ಲಿಷ್ ಭಾಷೆಯಲ್ಲಿ 10 ನಿಮಿಷಗಳ ಕಾಲ ನಡೆಯುವ ಈ ಪರೀಕ್ಷೆಯಲ್ಲಿ ಕನಿಷ್ಠ 40 w.p.m ವೇಗ ಹೊಂದಿರಬೇಕು. ಗರಿಷ್ಠ ಶೇ.3 ರಷ್ಟು ತಪ್ಪುಗಳಿಗೆ ಅವಕಾಶವಿರುತ್ತದೆ.
- ಸಂದರ್ಶನ (Interview): ಗರಿಷ್ಠ 30 ಅಂಕಗಳು (ಕನಿಷ್ಠ ಅರ್ಹತಾ ಅಂಕಗಳು 15).
ಮೊದಲ ಹಂತದಲ್ಲಿ ಅರ್ಹತೆ ಪಡೆದ ಅಭ್ಯರ್ಥಿಗಳನ್ನು 1:10 ಅನುಪಾತದಲ್ಲಿ ಶೀಘ್ರಲಿಪಿ ಮತ್ತು ಟೈಪಿಂಗ್ ಪರೀಕ್ಷೆಗೆ ಕರೆಯಲಾಗುತ್ತದೆ. ಎಲ್ಲಾ ಮೂರು ಪರೀಕ್ಷೆಗಳಲ್ಲಿ ತೇರ್ಗಡೆಯಾದವರನ್ನು 1:3 ಅನುಪಾತದಲ್ಲಿ ಸಂದರ್ಶನಕ್ಕೆ ಕರೆಯಲಾಗುತ್ತದೆ ಎಂದು ಅಧಿಕೃತ ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.
ಸಂಬಳ:
ಈ ಹುದ್ದೆಯು ಪೇ ಮ್ಯಾಟ್ರಿಕ್ಸ್‌ನ ಹಂತ 8 ರಲ್ಲಿದ್ದು (Level 8 of Pay Matrix), ರೂ.47,600 – ರೂ.1,51,100/- ವೇತನ ಶ್ರೇಣಿಯನ್ನು ಹೊಂದಿದೆ.
- ಆರಂಭಿಕ ಮೂಲ ವೇತನ ರೂ.47,600/- ಆಗಿರುತ್ತದೆ ಮತ್ತು ನಿಯಮಾವಳಿಗಳ ಪ್ರಕಾರ ಇತರ ಭತ್ಯೆಗಳು ಲಭ್ಯವಿರುತ್ತವೆ.
ಅರ್ಜಿ ಶುಲ್ಕ:
- ಸಾಮಾನ್ಯ/ಅನಾರಕ್ಷಿತ (General/Unreserved) ಅಭ್ಯರ್ಥಿಗಳಿಗೆ- ರೂ.1,500/-
- ಎಸ್‌ಸಿ/ಎಸ್‌ಟಿ/ಒಬಿಸಿ(ಎನ್‌ಸಿಎಲ್/ಮಾಜಿ ಸೈನಿಕರು/ದಿವ್ಯಾಂಗ ಅಭ್ಯರ್ಥಿಗಳಿಗೆ- ರೂ.750/-
ಶುಲ್ಕವನ್ನು ಯುಸಿಒ (UCO) ಬ್ಯಾಂಕ್ ಒದಗಿಸುವ ಪೇಮೆಂಟ್ ಗೇಟ್‌ವೇ ಮೂಲಕ ಆನ್‌ಲೈನ್‌ನಲ್ಲಿ ಮಾತ್ರ ಪಾವತಿಸಬೇಕು (ಬ್ಯಾಂಕ್ ಶುಲ್ಕಗಳು ಹೆಚ್ಚುವರಿ).
ಅರ್ಜಿ ಸಲ್ಲಿಕೆಗೆ ಬೇಕಾದ ದಾಖಲೆಗಳು:
- ಅಭ್ಯರ್ಥಿಯ ಇತ್ತೀಚಿನ ಭಾವಚಿತ್ರ ಮತ್ತು ಸಹಿ
- 10ನೇ ತರಗತಿ, 12ನೇ ತರಗತಿ, ಪದವಿ ಪ್ರಮಾಣಪತ್ರಗಳು
- ಜಾತಿ ಪ್ರಮಾಣಪತ್ರ
- ದಿವ್ಯಾಂಗ ಪ್ರಮಾಣಪತ್ರ(ಅನ್ವಯಿಸಿದರೆ)
- ಇತರೆ ದಾಖಲೆಗಳು…
ಅರ್ಜಿ ಸಲ್ಲಿಕೆ ಹೇಗೆ?:
- ಅಭ್ಯರ್ಥಿಗಳು ಸುಪ್ರೀಂ ಕೋರ್ಟ್‌ನ ಅಧಿಕೃತ ವೆಬ್‌ಸೈಟ್ ಆದ www.sci.gov.in ಗೆ ಭೇಟಿ ನೀಡಬೇಕು.
- ವೆಬ್‌ಸೈಟ್‌ನಲ್ಲಿ ಒದಗಿಸಲಾದ ಆನ್ಲೈನ್ ಲಿಂಕ್ ಮೂಲಕ ಮಾತ್ರ ನೋಂದಣಿ ಮಾಡಿಕೊಳ್ಳಬೇಕು. ಯಾವುದೇ ಅಂಚೆ ಮೂಲಕ ಕಳುಹಿಸುವ ಅರ್ಜಿಗಳನ್ನು ಸ್ವೀಕರಿಸಲಾಗುವುದಿಲ್ಲ.
- ಅರ್ಜಿಯೊಂದಿಗೆ ಇತ್ತೀಚಿನ ಭಾವಚಿತ್ರ, ಸಹಿ ಮತ್ತು ಅಗತ್ಯ ದಾಖಲೆಗಳಾದ (10ನೇ ತರಗತಿ, 12ನೇ ತರಗತಿ, ಪದವಿ ಪ್ರಮಾಣಪತ್ರಗಳು, ಜಾತಿ ಪ್ರಮಾಣಪತ್ರ ಮತ್ತು ಅನ್ವಯಿಸಿದರೆ ದಿವ್ಯಾಂಗ ಪ್ರಮಾಣಪತ್ರ) ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ಅಪ್‌ಲೋಡ್ ಮಾಡಬೇಕು.
- ಆನ್ಲೈನ್ ಅರ್ಜಿ ಪೂರ್ಣಗೊಂಡ ನಂತರ, ಅಭ್ಯರ್ಥಿಗಳು ಭರ್ತಿ ಮಾಡಿದ ಅರ್ಜಿಯ ಪ್ರಿಂಟ್‌ಔಟ್ ಅನ್ನು ತಮ್ಮ ದಾಖಲೆಗಾಗಿ ತೆಗೆದುಕೊಳ್ಳಬೇಕು (ಇದನ್ನು ರಿಜಿಸ್ಟ್ರಿಗೆ ಕಳುಹಿಸುವ ಅಗತ್ಯವಿಲ್ಲ).
ಮುಖ್ಯ ಲಿಂಕ್‌ಗಳು:
| ಅಧಿಕೃತ ಅಧಿಸೂಚನೆ ಪಿಡಿಎಫ್‌ ಲಿಂಕ್ | ಡೌನ್ಲೋಡ್‌ ಮಾಡಿ |
| ಆನ್ಲೈನ್ ಅರ್ಜಿ ನಮೂನೆ ಲಿಂಕ್ | (ಅ.20ರಿಂದ ಆರಂಭ) |
| ಅಧಿಕೃತ ಜಾಲತಾಣ | https://www.sci.gov.in/ |
| ಮತ್ತಷ್ಟು ಸುದ್ದಿಗಾಗಿ | ಕರ್ನಾಟಕಹೆಲ್ಪ್‌.ಇನ್ |
