ಅಂಚೆ ಇಲಾಖೆಯಲ್ಲಿ ಕಾರ್ ಡ್ರೈವರ್ ಹುದ್ದೆಗಳ ನೇಮಕಾತಿ

• ಅಧಿಸೂಚನೆ ಪ್ರಕಟಣೆ ದಿನಾಂಕ- ಅಕ್ಟೋಬರ್‌ 29
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ- ನವೆಂಬರ್ 30ರ ಸಂಜೆ 5:00 ಗಂಟೆಯೊಳಗೆ.

ವರ್ಗಾವಾರು ಹುದ್ದೆಗಳ ಮಾಹಿತಿ:

ಸಾಮಾನ್ಯ ವರ್ಗ (UR) 13, ಪರಿಶಿಷ್ಟ ಜಾತಿ (SC) 03, ಪರಿಶಿಷ್ಟ ಪಂಗಡ (ST) ಇಲ್ಲ(0), ಇತರ ಹಿಂದುಳಿದ ವರ್ಗಗಳು (OBC) 07 (ಇದರಲ್ಲಿ ಕೊಯಮತ್ತೂರು ಎಂಎಂಎಸ್‌ನ 1 ಬ್ಯಾಕ್‌ಲಾಗ್ ಹುದ್ದೆ ಸೇರಿದೆ), ಆರ್ಥಿಕವಾಗಿ ಹಿಂದುಳಿದ ವರ್ಗ (EWS) 01, ಮಾಜಿ ಸೈನಿಕರು (Ex-SM) 02 (ಇವುಗಳನ್ನು ಮೀಸಲಾತಿ ನಿಯಮಗಳ ಪ್ರಕಾರ ಸಮಾನಾಂತರವಾಗಿ ಹೊಂದಾಣಿಕೆ ಮಾಡಲಾಗುತ್ತದೆ).

ಶೈಕ್ಷಣಿಕ ಮತ್ತು ಇತರ ಅರ್ಹತೆಗಳು:

ಮಾನ್ಯತೆ ಪಡೆದ ಮಂಡಲಿ ಅಥವಾ ಸಂಸ್ಥೆಯಿಂದ 10ನೇ ತರಗತಿ(ಎಸ್ಸೆಸ್ಸೆಲ್ಸಿ) ತೇರ್ಗಡೆಯಾಗಿರಬೇಕು. ಜೊತೆಗೆ ಲಘು ಮತ್ತು ಭಾರೀ ಮೋಟಾರು ವಾಹನಗಳ (LMV & HMV) ಚಾಲನಾ ಪರವಾನಗಿ (Driving License) ಹೊಂದಿರಬೇಕು.

ಮೋಟಾರ್ ಮೆಕ್ಯಾನಿಸಂ ಜ್ಞಾನವಿರಬೇಕು (ವಾಹನದ ಸಣ್ಣಪುಟ್ಟ ದೋಷಗಳನ್ನು ಸರಿಪಡಿಸಲು ಶಕ್ತರಾಗಿರಬೇಕು).

ಲಘು ಮತ್ತು ಭಾರೀ ಮೋಟಾರು ವಾಹನಗಳನ್ನು ಚಾಲನೆ ಮಾಡಿದ ಕನಿಷ್ಠ 3 ವರ್ಷಗಳ ಅನುಭವ ಹೊಂದಿರಬೇಕು.

ಬಯಸುವ ಅರ್ಹತೆ (Desirable): ಹೋಮ್ ಗಾರ್ಡ್(ಗೃಹ ರಕ್ಷಕ ದಳ) ಅಥವಾ ಸಿವಿಲ್ ವಾಲಂಟಿಯರ್ ಆಗಿ 3 ವರ್ಷಗಳ ಸೇವೆ ಸಲ್ಲಿಸಿದವರಿಗೆ ಆದ್ಯತೆ ನೀಡಲಾಗುತ್ತದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

ವಯೋಮಿತಿ:

30-11-2026ರಂತೆ;

ಸಾಮಾನ್ಯ(UG) ಮತ್ತು ಇಡಬ್ಲ್ಯೂಎಸ್(EWS) ಅಭ್ಯರ್ಥಿಗಳಿಗೆ 18 ರಿಂದ 27 ವರ್ಷಗಳು.

ಪರಿಶಿಷ್ಟ ಜಾತಿ(SC) ಮತ್ತು ಪರಿಶಿಷ್ಟ ಪಂಗಡ(ST) ಅಭ್ಯರ್ಥಿಗಳಿಗೆ 5 ವರ್ಷ, ಇತರ ಹಿಂದುಳಿದ ವರ್ಗಗಳ(OBC) ಅಭ್ಯರ್ಥಿಗಳಿಗೆ 3 ವರ್ಷಗಳ ಸಡಿಲಿಕೆ ಇರುತ್ತದೆ.

ಸರ್ಕಾರಿ ನೌಕರರಿಗೆ: ಕೇಂದ್ರ ಸರ್ಕಾರದ ಆದೇಶಗಳ ಪ್ರಕಾರ 40 ವರ್ಷಗಳವರೆಗೆ ಸಡಿಲಿಕೆ ಇರುತ್ತದೆ.

ಮಾಜಿ ಸೈನಿಕರಿಗೆ: ಮಿಲಿಟರಿ ಸೇವೆಯನ್ನು ಕಳೆದ ನಂತರ ಗರಿಷ್ಠ 3 ವರ್ಷಗಳವರೆಗೆ ಸಡಿಲಿಕೆ ಇರುತ್ತದೆ (SC/ST ಗೆ 8 ವರ್ಷಗಳು ಮತ್ತು OBC ಗೆ 6 ವರ್ಷಗಳು).

ಆಯ್ಕೆ ಪ್ರಕ್ರಿಯೆ:

ಆಯ್ಕೆಯನ್ನು ಎರಡು ಹಂತಗಳ ಪರೀಕ್ಷೆಯ ಮೂಲಕ ಮಾಡಲಾಗುತ್ತದೆ:

ಹಂತ 1:- ಲಿಖಿತ ಪರೀಕ್ಷೆ (Theory Test): ಸಾಮಾನ್ಯ ಜ್ಞಾನ, ಸರಳ ಗಣಿತ, ಸಾಮಾನ್ಯ ಬುದ್ಧಿಮತ್ತೆ ಮತ್ತು ತಾರ್ಕಿಕ ಸಾಮರ್ಥ್ಯ, ಮೋಟಾರ್ ಮೆಕ್ಯಾನಿಸಂ, ಸಂಚಾರ ನಿಯಮಗಳು ಮತ್ತು ಸಿಗ್ನಲ್‌ಗಳ ಕುರಿತು 80 ಅಂಕಗಳ ಬಹು ಆಯ್ಕೆಯ ಪ್ರಶ್ನೆಗಳ ಪರೀಕ್ಷೆ (ಸಮಯ: 90 ನಿಮಿಷಗಳು).

ಹಂತ 2- ಪ್ರಾಯೋಗಿಕ ಪರೀಕ್ಷೆ(Practical Test): ಮೋಟಾರ್ ಮೆಕ್ಯಾನಿಸಂ ಮತ್ತು ಚಾಲನಾ ಕೌಶಲ್ಯದ ಪರೀಕ್ಷೆ (ಒಟ್ಟು 20 ಅಂಕಗಳು).

ಹಂತ 1ರಲ್ಲಿ ಅರ್ಹತೆ ಪಡೆದವರು ಹಂತ2 ಕ್ಕೆ ಅರ್ಹರಾಗುತ್ತಾರೆ. ಅಂತಿಮ ಮೆರಿಟ್ ಪಟ್ಟಿಯನ್ನು ಎರಡೂ ಹಂತಗಳಲ್ಲಿ ಪಡೆದ ಒಟ್ಟು ಅಂಕಗಳ ಆಧಾರದ ಮೇಲೆ ಸಿದ್ಧಪಡಿಸಲಾಗುತ್ತದೆ.

ಸಂಬಳ:

ವೇತನ ಶ್ರೇಣಿ ರೂ.19,900 ರಿಂದ ರೂ.63,200/- (7ನೇ ವೇತನ ಆಯೋಗದ ಪ್ರಕಾರ ಪೇ ಮ್ಯಾಟ್ರಿಕ್ಸ್‌ನ ಹಂತ 2) ಮತ್ತು ನಿಯಮಾನುಸಾರ ಇತರ ಭತ್ಯೆಗಳು ದೊರೆಯಲಿವೆ.

ಪರಿವೀಕ್ಷಣಾ ಅವಧಿ (Probation Period): 2 ವರ್ಷಗಳು.

ಅರ್ಜಿ ಶುಲ್ಕ:

ಅರ್ಜಿ ಶುಲ್ಕ: ರೂ.100/- (ನೂರು ರೂಪಾಯಿಗಳು ಮಾತ್ರ).

ಶುಲ್ಕ ವಿನಾಯಿತಿ: ಎಲ್ಲಾ ಮಹಿಳಾ ಅಭ್ಯರ್ಥಿಗಳು, ಪರಿಶಿಷ್ಟ ಜಾತಿ (SC) ಮತ್ತು ಪರಿಶಿಷ್ಟ ಪಂಗಡದ (ST) ಅಭ್ಯರ್ಥಿಗಳಿಗೆ ಶುಲ್ಕ ಪಾವತಿಯಿಂದ ವಿನಾಯಿತಿ ನೀಡಲಾಗಿದೆ.

ಪಾವತಿಸುವ ವಿಧಾನ: ಭಾರತದ ಯಾವುದೇ ಗಣಕೀಕೃತ ಅಂಚೆ ಕಚೇರಿಯಲ್ಲಿ ಇ-ಪಾವತಿ (e-payment) ಮೂಲಕ ಚಲನ್ ಬಳಸಿ ಶುಲ್ಕ ಪಾವತಿಸಬೇಕು (E-Biller Name: Senior Manager, MMS Chennai, CPMG Tamilnadu Circle, E-Biller ID: 1000099022). ಮೂಲ ಚಲನ್ ರಸೀದಿಯನ್ನು ಅರ್ಜಿಯೊಂದಿಗೆ ಲಗತ್ತಿಸಬೇಕು.

ಅರ್ಜಿ ಸಲ್ಲಿಕೆ ಹೇಗೆ?:

ಅಭ್ಯರ್ಥಿಗಳು ನಿಗದಿತ ಅರ್ಜಿ ನಮೂನೆಯನ್ನು ಹಿಂದಿ, ಇಂಗ್ಲಿಷ್ ಅಥವಾ ತಮಿಳು ಭಾಷೆಯಲ್ಲಿ ಯಾವುದೇ ತಪ್ಪುಗಳಿಲ್ಲದೆ ಭರ್ತಿ ಮಾಡಬೇಕು.

ಇತ್ತೀಚಿನ ಎರಡು ಭಾವಚಿತ್ರಗಳಲ್ಲಿ ಒಂದನ್ನು ಅರ್ಜಿಯ ನಿಗದಿತ ಜಾಗದಲ್ಲಿ ಅಂಟಿಸಿ ಸ್ವಯಂ-ದೃಢೀಕರಿಸಬೇಕು (Self-attested).

ಅಗತ್ಯವಿರುವ ಎಲ್ಲಾ ದಾಖಲೆಗಳ (ವಯಸ್ಸಿನ ಪುರಾವೆ, ಶೈಕ್ಷಣಿಕ ಅರ್ಹತೆ, ಚಾಲನಾ ಪರವಾನಗಿ, ಅನುಭವ ಪ್ರಮಾಣಪತ್ರ, ಜಾತಿ ಪ್ರಮಾಣಪತ್ರ ಇತ್ಯಾದಿ) ಸ್ವಯಂ-ದೃಢೀಕೃತ ನಕಲು ಪ್ರತಿಗಳನ್ನು ಅರ್ಜಿಯೊಂದಿಗೆ ಲಗತ್ತಿಸಬೇಕು.

ಭರ್ತಿ ಮಾಡಿದ ಅರ್ಜಿಯನ್ನು ಕೇವಲ ಸ್ಪೀಡ್ ಪೋಸ್ಟ್ (Speed Post) ಮೂಲಕ ಮಾತ್ರ ಈ ಕೆಳಗಿನ ವಿಳಾಸಕ್ಕೆ ಕಳುಹಿಸಬೇಕು:

The Senior Manager,
Mail Motor Service,
No.37, Greams Road,
Chennai – 600 006.

ಅರ್ಜಿ ತಲುಪಲು ಕೊನೆಯ ದಿನಾಂಕ ನ.30ರಂದು ಸಂಜೆ 5:00 ಗಂಟೆಯೊಳಗೆ. ಇತರ ಯಾವುದೇ ವಿಧಾನದಲ್ಲಿ ಕಳುಹಿಸಿದ ಅರ್ಜಿಗಳನ್ನು ತಿರಸ್ಕರಿಸಲಾಗುತ್ತದೆ.

ಮುಖ್ಯ ಲಿಂಕ್‌ಗಳು: