ಕೆಸೆಟ್-2026ರ ಅರ್ಜಿ ಗಡುವು ವಿಸ್ತರಣೆ

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಪ್ರಾರಂಭ – ಆಗಸ್ಟ್‌ 10
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ- ಸೆಪ್ಟೆಂಬರ್‌ 10(ವಿಸ್ತರಣೆ)
• ಅರ್ಜಿ ಶುಲ್ಕ ಪಾವತಿಸಲು ಕೊನೆಯ ದಿನಾಂಕ- ಸೆಪ್ಟೆಂಬರ್‌ 11(ವಿಸ್ತರಣೆ)
• ಪ್ರವೇಶ ಪತ್ರ(Hall Ticket) ಬಿಡುಗಡೆ ದಿನಾಂಕ- ಅಕ್ಟೋಬರ್ 01
• ಪರೀಕ್ಷಾ ದಿನಾಂಕ- ಅಕ್ಟೋಬರ್‌ 11(ಭಾನುವಾರ)

ಶೈಕ್ಷಣಿಕ ಅರ್ಹತೆ:

ಸಾಮಾನ್ಯ ವರ್ಗದ ಅಭ್ಯರ್ಥಿಗಳು ಯುಜಿಸಿ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಅಥವಾ ತತ್ಸಮಾನ ಪರೀಕ್ಷೆಯಲ್ಲಿ ಕನಿಷ್ಠ ಶೇ.55ರಷ್ಟು ಅಂಕಗಳೊಂದಿಗೆ ತೇರ್ಗಡೆ. {ಪರಿಶಿಷ್ಟ ಜಾತಿ(ಪ್ರವರ್ಗ-ಎ/ಬಿ/ಸಿ), ಪರಿಶಿಷ್ಟ ಪಂಗಡ (ಎಸ್ಟಿ), ಹಿಂದುಳಿದ ವರ್ಗಗಳು(ಪ್ರವರ್ಗ-I, IIಎ, IIಬಿ, IIIಎ, IIIಬಿ), ವಿಶೇಷಚೇತನರು(ಪಿಡಬ್ಲ್ಯೂಡಿ) ಮತ್ತು ತೃತೀಯ ಲಿಂಗದ ಅಭ್ಯರ್ಥಿಗಳಿಗೆ ಕನಿಷ್ಠ ಶೇ.50ರಷ್ಟು ಅಂಕಗಳು ಕಡ್ಡಾಯ.}

ಪ್ರಸ್ತುತ ಸ್ನಾತಕೋತ್ತರ ಪದವಿಯ ಅಂತಿಮ ಅಥವಾ ದ್ವಿತೀಯ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿರುವ ಅಭ್ಯರ್ಥಿಗಳೂ ತಾತ್ಕಾಲಿಕವಾಗಿ ಪರೀಕ್ಷೆ ಬರೆಯಲು ಅರ್ಹರಾಗಿರುತ್ತಾರೆ. ಆದರೆ ಅವರು ಫಲಿತಾಂಶ ಪ್ರಕಟವಾದ ಎರಡು ವರ್ಷಗಳೊಳಗೆ ನಿಗದಿತ ಅಂಕಗಳೊಂದಿಗೆ ಉತ್ತೀರ್ಣರಾದ ಅಂಕಪಟ್ಟಿಯನ್ನು ಸಲ್ಲಿಸಬೇಕಾಗುತ್ತದೆ.

ವಯೋಮಿತಿ:

ಕೆಸೆಟ್-2026 ಪರೀಕ್ಷೆಗೆ ಯಾವುದೇ ಗರಿಷ್ಠ ವಯೋಮಿತಿ ಇರುವುದಿಲ್ಲ.

ವಿಷಯದ ಆಯ್ಕೆ: ಅಭ್ಯರ್ಥಿಗಳು ತಮ್ಮ ಸ್ನಾತಕೋತ್ತರ ಪದವಿಯಲ್ಲಿ ಅಧ್ಯಯನ ಮಾಡಿದ ವಿಷಯದಲ್ಲಿಯೇ ಕೆಸೆಟ್ ಪರೀಕ್ಷೆ ಬರೆಯಬೇಕು. ಈಗಾಗಲೇ ಯಾವುದೇ ವಿಷಯದಲ್ಲಿ ಕೆಸೆಟ್ ಅರ್ಹತೆ ಪಡೆದಿದ್ದರೆ, ಪುನಃ ಅದೇ ವಿಷಯದಲ್ಲಿ ಅರ್ಜಿ ಸಲ್ಲಿಸುವಂತಿಲ್ಲ ಅಂತಹವರ ಹಳೆಯ ಅರ್ಹತೆಯನ್ನೂ ರದ್ದುಗೊಳಿಸಲಾಗುವುದು ಎಂದು ಎಚ್ಚರಿಸಲಾಗದೆ.

ಪರೀಕ್ಷಾ ಶುಲ್ಕ:

• ಸಾಮಾನ್ಯ ವರ್ಗ, ಪ್ರವರ್ಗ II-ಎ, II-ಬಿ, III-ಎ, III-ಬಿ ಮತ್ತು ಇತರೆ ರಾಜ್ಯಗಳ ಅಭ್ಯರ್ಥಿಗಳಿಗೆ ರೂ.750/-
• ಪ್ರವರ್ಗ-I, ಪ.ಜಾತಿ(ಪ್ರವರ್ಗ-ಎ/ಬಿ/ಸಿ), ಎಸ್ಟಿ, ಪಿಡಬ್ಲ್ಯೂಡ್ ಮತ್ತು ತೃತೀಯ ಲಿಂಗದ ಅಭ್ಯರ್ಥಿಗಳಿಗೆ ರೂ.500/-

ಪಾವತಿ ವಿಧಾನ: ಶುಲ್ಕವನ್ನು ಕೇವಲ ಆನ್‌ಲೈನ್ ಮೂಲಕವೇ ಪಾವತಿಸಬೇಕು.

ಪರೀಕ್ಷಾ ವಿಧಾನ:

ಪರೀಕ್ಷೆಯು ಆಫ್‌ಲೈನ್ ಓ.ಎಂ.ಆರ್(OMR) ಮಾದರಿಯಲ್ಲಿ ದಿನಾಂಕ ಅಕ್ಟೋಬರ್‌ 11, 2026 ರಂದು ಒಂದೇ ಅವಧಿಯಲ್ಲಿ (ಬೆಳಿಗ್ಗೆ 10.00 ರಿಂದ ಮಧ್ಯಾಹ್ನ 1.00 ರವರೆಗೆ – ಒಟ್ಟು 3 ಗಂಟೆಗಳು) ನಡೆಯಲಿದೆ. ಇದರಲ್ಲಿ ಎರಡು ಕಡ್ಡಾಯ ಪತ್ರಿಕೆಗಳಿರುತ್ತವೆ:

ಪತ್ರಿಕೆ-I (ಸಾಮಾನ್ಯ ಪತ್ರಿಕೆ): ಬೋಧನೆ, ಸಂಶೋಧನೆ ಮತ್ತು ಬೌದ್ಧಿಕ ಸಾಮರ್ಥ್ಯಕ್ಕೆ ಸಂಬಂಧಿಸಿದ 50 ಬಹು ಆಯ್ಕೆಯ ಪ್ರಶ್ನೆಗಳಿರುತ್ತವೆ (ಒಟ್ಟು 100 ಅಂಕಗಳು).

ಪತ್ರಿಕೆ-II (ವಿಷಯ ಪತ್ರಿಕೆ): ಅಭ್ಯರ್ಥಿ ಆಯ್ದುಕೊಂಡ ವಿಷಯಕ್ಕೆ ಸಂಬಂಧಿಸಿದ 100 ಕಡ್ಡಾಯ ಬಹು ಆಯ್ಕೆಯ ಪ್ರಶ್ನೆಗಳಿರುತ್ತವೆ (ಒಟ್ಟು 200 ಅಂಕಗಳು).

ಋಣಾತ್ಮಕ ಮೌಲ್ಯಮಾಪನ: ತಪ್ಪು ಉತ್ತರಗಳಿಗೆ ಯಾವುದೇ ನೆಗೆಟಿವ್ ಅಂಕಗಳು ಇರುವುದಿಲ್ಲ.

ಪರೀಕ್ಷಾ ವಿಷಯಗಳು ಮತ್ತು ಕೇಂದ್ರಗಳು:

• ಒಟ್ಟು 37 ವಿಷಯಗಳಲ್ಲಿ ಕೆಸೆಟ್ ಪರೀಕ್ಷೆಯನ್ನು ನಡೆಸಲಾಗುತ್ತಿದೆ.
• ಕರ್ನಾಟಕದಾದ್ಯಂತ ಒಟ್ಟು 11 ಪರೀಕ್ಷಾ ಕೇಂದ್ರಗಳನ್ನು ಗುರುತಿಸಲಾಗಿದೆ (ಬೆಂಗಳೂರು, ಬೆಳಗಾವಿ, ಬಳ್ಳಾರಿ, ವಿಜಯಪುರ, ದಾವಣಗೆರೆ, ಧಾರವಾಡ, ಕಲಬುರಗಿ, ಮೈಸೂರು, ಶಿವಮೊಗ್ಗ, ತುಮಕೂರು, ಮಂಗಳೂರು).
• ಭಾಗ-ಎ ನಲ್ಲಿರುವ 18 ಪ್ರಮುಖ ವಿಷಯಗಳಿಗೆ ಅಭ್ಯರ್ಥಿಗಳು ಈ 11 ಕೇಂದ್ರಗಳಲ್ಲಿ ಯಾವುದಾದರೂ ಒಂದನ್ನು ಆಯ್ಕೆ ಮಾಡಬಹುದು.
• ಭಾಗ-ಬಿ ನಲ್ಲಿರುವ ಉಳಿದ 19 ವಿಷಯಗಳಿಗೆ (ಉದಾಹರಣೆಗೆ: ಭೂಗೋಳ ಶಾಸ್ತ್ರ, ಕಾನೂನು, ಸಂಸ್ಕೃತ, ಉರ್ದು, ಪರಿಸರ ವಿಜ್ಞಾನ ಇತ್ಯಾದಿ) ಕೇವಲ ಬೆಂಗಳೂರು ಕೇಂದ್ರವನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳಬೇಕು.

ಅರ್ಜಿ ಸಲ್ಲಿಸುವ ವಿಧಾನ:

ಅರ್ಹ ಅಭ್ಯರ್ಥಿಗಳು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಅಧಿಕೃತ ವೆಬ್‌ಸೈಟ್ https://cetonline.karnataka.gov.in/kea/kset2026 ಅಥವಾ https://kearecruitment.karnataka.gov.in/kset2026/Account/Loginಗೆ ಭೇಟಿ ನೀಡುವ ಮೂಲಕ ಆನ್‌ಲೈನ್‌ನಲ್ಲಿ ಮಾತ್ರ ಅರ್ಜಿ ಸಲ್ಲಿಸಬೇಕು.

ಹೆಚ್ಚಿನ ಮಾಹಿತಿಗಾಗಿ ಮತ್ತು ಪಠ್ಯಕ್ರಮವನ್ನು ಡೌನ್‌ಲೋಡ್ ಮಾಡಲು ಪ್ರಾಧಿಕಾರದ ವೆಬ್‌ಸೈಟ್ ವೀಕ್ಷಿಸಬಹುದು ಅಥವಾ ಸಹಾಯವಾಣಿ ಸಂಖ್ಯೆ: 080-23460460 ಹಾಗೂ ಇಮೇಲ್: kset2026kea@gmail.com ಅನ್ನು ಸಂಪರ್ಕಿಸಬಹುದು.

ಮುಖ್ಯ ಲಿಂಕ್‌ಗಳು: