ಸಿಬ್ಬಂದಿ ಆಯ್ಕೆ ಆಯೋಗ: ಸಬ್-ಇನ್ಸ್‌ಪೆಕ್ಟರ್(ಎಸ್‌ಐ) ಹುದ್ದೆಗಳ ಭರ್ತಿ

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಅವಧಿ ಸೆಪ್ಟೆಂಬರ್ 10
• ಆನ್‌ಲೈನ್ ಅರ್ಜಿ ಸಲ್ಲಿಕೆ ಕೊನೆಯ ದಿನಾಂಕ- ಸೆಪ್ಟೆಂಬರ್ 30(ರಾತ್ರಿ 23:00 ಗಂಟೆಯವರೆಗೆ).
• ಆನ್‌ಲೈನ್ ಅರ್ಜಿ ಶುಲ್ಕ ಪಾವತಿಸಲು ಕೊನೆಯ ದಿನಾಂಕ- ಅಕ್ಟೋಬರ್ 01(ರಾತ್ರಿ 23:00 ಗಂಟೆಯವರೆಗೆ).
• ಅರ್ಜಿ ತಿದ್ದುಪಡಿ ವಿಂಡೋ(Correction Window) ಅವಧಿ ಅಕ್ಟೋಬರ್ 08‌ ರಿಂದ ಅಕ್ಟೋಬರ್‌ 10ರವರೆಗೆ.

ಒಟ್ಟು ಹುದ್ದೆಗಳ ವಿವರ:

1. ದೆಹಲಿ ಪೊಲೀಸ್ ಸಬ್-ಇನ್ಸ್‌ಪೆಕ್ಟರ್(ಕಾರ್ಯನಿರ್ವಾಹಕ) – ಪುರುಷ:
   • ಒಟ್ಟು ಹುದ್ದೆಗಳು: 205
2. ದೆಹಲಿ ಪೊಲೀಸ್ ಸಬ್-ಇನ್ಸ್‌ಪೆಕ್ಟರ್(ಕಾರ್ಯನಿರ್ವಾಹಕ) – ಮಹಿಳೆ:
   • ಒಟ್ಟು ಹುದ್ದೆಗಳು: 112
3. ವಿವಿಧ ಸೆಂಟ್ರಲ್ ಆರ್ಮ್ಡ್ ಪೊಲೀಸ್ ಫೋರ್ಸಸ್(ಸಿಎಪಿಎಫ್‌ಸ್) ನಲ್ಲಿ ಸಬ್-ಇನ್ಸ್‌ಪೆಕ್ಟರ್(ಜಿಡಿ):
   • ಸಿಆರ್‌ಪಿಎಫ್(CRPF): 254 (ಪುರುಷ: 225, ಮಹಿಳೆ: 29)
   • ಬಿಎಸ್‌ಎಫ್(BSF): 457 (ಪುರುಷ: 435, ಮಹಿಳೆ: 22)
4. ಐಟಿಬಿಪಿ(ITBP): 187 (ಪುರುಷ: 159, ಮಹಿಳೆ: 28)
   • ಸಿಐಎಸ್‌ಎಫ್(CISF): 250 (ಪುರುಷ: 200, ಮಹಿಳೆ: 50)
5. ಎಸ್‌ಎಸ್‌ಬಿ(SSB): 172 (ಪುರುಷ: 154, ಮಹಿಳೆ: 18)
   • ಸಿಎಪಿಎಫ್‌ಸ್(CAPFs) ಒಟ್ಟು ಹುದ್ದೆಗಳು: 1,320 (ಪುರುಷ: 1173, ಮಹಿಳೆ: 147)
6. ಸಿಐಎಸ್‌ಎಫ್(CISF)ನಲ್ಲಿ ಸಬ್-ಇನ್ಸ್‌ಪೆಕ್ಟರ್(ಫೈರ್) – ಪುರುಷ:
   • ಒಟ್ಟು ಹುದ್ದೆಗಳು: 234

ಶೈಕ್ಷಣಿಕ ಅರ್ಹತೆ:

ಅರ್ಜಿ ಸಲ್ಲಿಸುವ ಕೊನೆಯ ದಿನಾಂಕದಂತೆ;

ದೆಹಲಿ ಪೊಲೀಸ್ ಸಬ್-ಇನ್ಸ್‌ಪೆಕ್ಟರ್ ಮತ್ತು CAPFs ಸಬ್-ಇನ್ಸ್‌ಪೆಕ್ಟರ್ (GD) ಹುದ್ದೆಗೆ; ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಯಾವುದೇ ಪದವಿ(Bachelor’s Degree) ಅಥವಾ ತತ್ಸಮಾನ ವಿದ್ಯಾರ್ಹತೆ ಹೊಂದಿರಬೇಕು.

ದೆಹಲಿ ಪೊಲೀಸ್ ಸಬ್-ಇನ್ಸ್‌ಪೆಕ್ಟರ್ (ಪುರುಷ ಅಭ್ಯರ್ಥಿಗಳಿಗೆ ಮಾತ್ರ) ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಕಡ್ಡಾಯವಾಗಿ ದ್ವಿಚಕ್ರ ವಾಹನ ಮತ್ತು ಕಾರು ಚಾಲನೆಯ ಮಾನ್ಯ ಪರವಾನಗಿ (Driving License for LMV) ಹೊಂದಿರಬೇಕು.

CISFನಲ್ಲಿ ಸಬ್-ಇನ್ಸ್‌ಪೆಕ್ಟರ್(ಫೈರ್) ಹುದ್ದೆಗೆ; ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ ವಿಷಯಗಳೊಂದಿಗೆ ವಿಜ್ಞಾನ ಪದವಿ (B.Sc) ಹೊಂದಿರಬೇಕು. ಅಥವಾ ಮೆಟ್ರಿಕ್ಯುಲೇಷನ್ ಜೊತೆಗೆ ಮೆಕ್ಯಾನಿಕಲ್, ಸಿವಿಲ್, ಎಲೆಕ್ಟ್ರಿಕಲ್, ಆಟೋಮೊಬೈಲ್ಸ್, ಕೆಮಿಕಲ್, ಮೈನಿಂಗ್, ಏರೋನಾಟಿಕಲ್, ಟೆಲಿಕಮ್ಯುನಿಕೇಶನ್ ಇಂಜಿನಿಯರಿಂಗ್‌ನಲ್ಲಿ 3 ವರ್ಷಗಳ ಡಿಪ್ಲೊಮಾ ಪಡೆದಿರಬೇಕು.

ವಯೋಮಿತಿ:

01-08-2026 ಕ್ಕೆ ಅನ್ವಯಿಸುವಂತೆ;

ಸಬ್-ಇನ್ಸ್‌ಪೆಕ್ಟರ್ (ಫೈರ್) ಹೊರತುಪಡಿಸಿ ಉಳಿದ ಎಲ್ಲಾ ಹುದ್ದೆಗಳಿಗೆ 20 ರಿಂದ 25 ವರ್ಷಗಳು (ಅಭ್ಯರ್ಥಿಯು 02.08.2001 ಕ್ಕಿಂತ ಮುಂಚಿತವಾಗಿ ಮತ್ತು 01.08.2006 ಕ್ಕಿಂತ ತಡವಾಗಿ ಜನಿಸಿರಬಾರದು).

CISF ನಲ್ಲಿ ಸಬ್-ಇನ್ಸ್‌ಪೆಕ್ಟರ್(ಫೈರ್) ಹುದ್ದೆಗೆ 18 ರಿಂದ 30 ವರ್ಷಗಳು (ಅಭ್ಯರ್ಥಿಯು 02.08.1996 ಕ್ಕಿಂತ ಮುಂಚಿತವಾಗಿ ಮತ್ತು 01.08.2008 ಕ್ಕಿಂತ ತಡವಾಗಿ ಜನಿಸಿರಬಾರದು).

ಗರಿಷ್ಠ ವಯೋಮಿತಿ ಸಡಿಲಿಕೆ: ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ 5 ವರ್ಷಗಳು. ಒಬಿಸಿ ಅಭ್ಯರ್ಥಿಗಳಿಗೆ 3 ವರ್ಷಗಳು. ಮಾಜಿ ಸೈನಿಕರಿಗೆ (ಇಎಸ್‌ಎಂ) ಮಿಲಿಟರಿ ಸೇವೆಯನ್ನು ಕಳೆದ ನಂತರ 3 ವರ್ಷಗಳ ಸಡಿಲಿಕೆ ಇರುತ್ತದೆ.

ಆಯ್ಕೆ ಪ್ರಕ್ರಿಯೆ:

ಆಯ್ಕೆ ಪ್ರಕ್ರಿಯೆಯು ಈ ಕೆಳಗಿನ ಕಡ್ಡಾಯ ಹಂತಗಳನ್ನು ಒಳಗೊಂಡಿರುತ್ತದೆ:

1. ‌ಸಿಬಿಟಿ ಪತ್ರಿಕೆ-I
2. ದೈಹಿಕ ಗುಣಮಟ್ಟದ ಪರೀಕ್ಷೆ(PST)/ದೈಹಿಕ ಸಹಿಷ್ಣುತೆ ಪರೀಕ್ಷೆ (PET)
3. ಸಿಬಿಟಿ ಪತ್ರಿಕೆ-II (ಪತ್ರಿಕೆ-Iರಲ್ಲಿ ಅರ್ಹತೆ ಪಡೆದವರಿಗೆ ಮಾತ್ರ).
4. ವಿವರವಾದ ವೈದ್ಯಕೀಯ ತಪಾಸಣೆ(DME) ಮತ್ತು ದಾಖಲೆ ಪರಿಶೀಲನೆ (DV)

ಸಂಬಳ:

ಸಬ್-ಇನ್ಸ್‌ಪೆಕ್ಟರ್(ಜಿಡಿ)(ಸಿಎಪಿಎಫ್‌ಎಸ್) ಹುದ್ದೆಗೆ; ವೇತನ ಶ್ರೇಣಿ ಹಂತ-6ರನ್ವಯ ರೂ.35,400 ರಿಂದ ರೂ.1,12,400/-. ಇದು ಗ್ರೂಪ್ ‘ಬಿ’ (ನಾನ್-ಗೆಜೆಟೆಡ್, ನಾನ್-ಮಿನಿಸ್ಟಿರಿಯಲ್) ಹುದ್ದೆಯಾಗಿದೆ.

ಸಬ್-ಇನ್ಸ್‌ಪೆಕ್ಟರ್(ಕಾರ್ಯನಿರ್ವಾಹಕ) ದೆಹಲಿ ಪೊಲೀಸ್ (ಪುರುಷ/ಮಹಿಳೆ) ಹುದ್ದೆಗೆ; ವೇತನ ಶ್ರೇಣಿ ಹಂತ-6ರನ್ವಯ ರೂ.35,400 ರಿಂದ ರೂ.1,12,400/-. ಇದು ದೆಹಲಿ ಪೊಲೀಸ್ ಅಡಿಯಲ್ಲಿ ಗ್ರೂಪ್ ‘ಸಿ’ ಹುದ್ದೆಯಾಗಿದೆ.

ಸಬ್-ಇನ್ಸ್‌ಪೆಕ್ಟರ್(ಫೈರ್)-ಸಿಐಎಸ್‌ಎಫ್(ಪುರುಷ)‌ ಹುದ್ದೆಗೆ; ವೇತನ ಶ್ರೇಣಿ ಹಂತ-6ರನ್ವಯ ರೂ.35,400 ರಿಂದ ರೂ.1,12,400/-. ಇದು ಗ್ರೂಪ್ ‘ಬಿ’ (ನಾನ್-ಗೆಜೆಟೆಡ್, ನಾನ್-ಮಿನಿಸ್ಟಿರಿಯಲ್) ಹುದ್ದೆಯಾಗಿದೆ.

ಅರ್ಜಿ ಶುಲ್ಕ:

ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ ರೂ.100/-
ಶುಲ್ಕ ವಿನಾಯಿತಿ: ಮಹಿಳಾ ಅಭ್ಯರ್ಥಿಗಳು, ಪರಿಶಿಷ್ಟ ಜಾತಿ(ಎಸ್‌ಸಿ), ಪರಿಶಿಷ್ಟ ಪಂಗಡ(ಎಸ್‌ಟಿ) ಮತ್ತು ಮೀಸಲಾತಿಗೆ ಅರ್ಹರಾದ ಮಾಜಿ ಸೈನಿಕ(ಇಎಸ್‌ಎಂ) ಅಭ್ಯರ್ಥಿಗಳಿಗೆ ಯಾವುದೇ ಅರ್ಜಿ ಶುಲ್ಕ ಇರುವುದಿಲ್ಲ.

ಪಾವತಿ ವಿಧಾನ: ಶುಲ್ಕವನ್ನು ಕೇವಲ ಆನ್‌ಲೈನ್ ಮೂಲಕ ಪಾವತಿಸಬಹುದಾಗಿದೆ.

ಅರ್ಜಿ ಸಲ್ಲಿಸುವ ಪರಿ ಹೀಗೆ..

ಹಂತ-1 ಅಧಿಕೃತ ಜಾಲತಾಣ ಕ್ಕೆ ಭೇಟಿ https://ssc.gov.in/ ನೀಡಿ.

ಹಂತ-2 ಅಭ್ಯರ್ಥಿಗಳು ಕಡ್ಡಾಯವಾಗಿ “OTR” ನೋಂದಣಿ ಮಾಡಿಕೊಂಡ ತಕ್ಷಣ “ನೋಂದಣಿ ಸಂಖ್ಯೆ” ಸೃಜನೆಯಾಗುತ್ತದೆ.

ಹಂತ-3 ನಂತರ ಲಾಗಿನ್‌ ಮಾಡಿಕೊಂಡು. “Latest Notifications” ವಿಭಾಗದಡಿ ಒದಗಿಸಲಾಗಿರುವ “Sub-Inspector in Delhi Police and Central Armed Police Forces Examination 2026” ಎಂಬ ಶೀರ್ಷಿಕೆಯಡಿ ನೀಡಲಾಗಿರುವ “Apply” ಎಂಬ ಬಟನ್‌ ಮೇಲೆ ಕ್ಲಿಕ್ಕಿಸಿ.

ಹಂತ-4 ಮುಂದೆ ಅರ್ಜಿ ನಮೂನೆ ಪರದೆಯಾಗುತ್ತದೆ. ಅಲ್ಲಿ ಕೇಳಲಾದ ಸಂಪೂರ್ಣ ಮಾಹಿತಿ ತುಂಬಿ, ಅಗತ್ಯ ದಾಖಲೆಗಳನ್ನು ಅಪ್ಲೋಡ್‌ ಮಾಡಿ. ಕೊನೆಗೆ ಅರ್ಜಿ ಶುಲ್ಕ ಭರಿಸುವ ಮೂಲಕ ಅರ್ಜಿ ಸಲ್ಲಿಸಬಹುದು.

ಮುಖ್ಯ ಲಿಂಕ್‌ಗಳು: