ರಾಷ್ಟ್ರೀಯ ಮಾಹಿತಿ ಕೇಂದ್ರ(NIC)ದಲ್ಲಿ ಉದ್ಯೋಗಾವಕಾಶ

ಪ್ರಮುಖ ದಿನಾಂಕಗಳು:

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಪ್ರಾರಂಭವಾಗುವ ದಿನಾಂಕ- ಸೆಪ್ಟೆಂಬರ್‌ 01
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ- ಸೆಪ್ಟೆಂಬರ್ 30 (ಸಂಜೆ 05:30 ಗಂಟೆಯವರೆಗೆ)
• ಅರ್ಹತೆಗಳನ್ನು ನಿರ್ಧರಿಸುವ ಕೊನೆಯ ದಿನಾಂಕ(Cut-off Date)- ಸೆಪ್ಟೆಂಬರ್ 30
• ದಾಖಲಾತಿ ಪರಿಶೀಲನೆಯ ದಿನಾಂಕ: ಶೀಘ್ರದಲ್ಲೇ ಎನ್‌ಐಸಿ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗುವುದು.

ವಿಷಯ/ವಿಭಾಗವಾರು ಹುದ್ದೆಗಳ ಸಂಖ್ಯೆ ವಿವರ:

ಕಂಪ್ಯೂಟರ್ ಸೈನ್ಸ್ ಮತ್ತು ಇನ್ಫರ್ಮೇಷನ್ ಟೆಕ್ನಾಲಜಿ(Computer Sciences & IT) ವಿಭಾಗದಲ್ಲಿ: ಸಾಮಾನ್ಯ ವರ್ಗ (ಯುಆರ್‌) 122, ಎಸ್‌ಸಿ 45, ಎಸ್‌ಟಿ 22, ಒಬಿಸಿ(ಎನ್‌ಸಿಎಲ್) 81, ಇಡಬ್ಲ್ಯೂಎಸ್ 30.

ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್ ಇಂಜಿನಿಯರಿಂಗ್(Electronics & Communication Engineering) ವಿಭಾಗದಲ್ಲಿ; ಸಾಮಾನ್ಯ ವರ್ಗ (ಯುಆರ್) 13, ಎಸ್‌ಸಿ 3, ಎಸ್‌ಟಿ 01, ಒಬಿಸಿ(ಎನ್‌ಸಿಎಲ್) 7,ಇಡಬ್ಲ್ಯೂಎಸ್ 02.

ಡೇಟಾ ಸೈನ್ಸ್ ಮತ್ತು ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್(Data Science & AI) ವಿಭಾಗದಲ್ಲಿ; ಸಾಮಾನ್ಯ ವರ್ಗ(ಯುಆರ್‌) 22, ಎಸ್‌ಸಿ 07, ಎಸ್‌ಟಿ 03, ಒಬಿಸಿ(ಎನ್‌ಸಿಎಲ್) 13, ಇಡಬ್ಲ್ಯೂಎಸ್ 05)

ಗಮನಿಸಿ: ವಿಕಲಚೇತನ(ಪಿಡಬ್ಲ್ಯೂಬಿಡಿ) ಅಭ್ಯರ್ಥಿಗಳಿಗೆ ನಿಯಮಾನುಸಾರ ಸಮಾನಾಂತರ ಮೀಸಲಾತಿಯನ್ನು ನೀಡಲಾಗಿದೆ.

ಶೈಕ್ಷಣಿಕ ಅರ್ಹತೆ:

ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಎಲೆಕ್ಟ್ರಾನಿಕ್ಸ್, ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್, ಎಲೆಕ್ಟ್ರಾನಿಕ್ಸ್ ಮತ್ತು ಟೆಲಿಕಮ್ಯುನಿಕೇಷನ್, ಕಂಪ್ಯೂಟರ್ ಸೈನ್ಸ್, ಕಂಪ್ಯೂಟರ್ ಮತ್ತು ನೆಟ್‌ವರ್ಕಿಂಗ್ ಸೆಕ್ಯುರಿಟಿ, ಸಾಫ್ಟ್‌ವೇರ್ ಸಿಸ್ಟಮ್, ಇನ್ಫರ್ಮೇಷನ್ ಟೆಕ್ನಾಲಜಿ, ಇನ್ಫರ್ಮ್ಯಾಟಿಕ್ಸ್ ವಿಭಾಗಗಳಲ್ಲಿ ಎಂ.ಎಸ್ಸಿ/ಎಂಎಸ್/ಎಂಸಿಎ/ಬಿಇ/ಬಿ.ಟೆಕ್ ಪದವಿಯನ್ನು (ಒಂಟಿಯಾಗಿ ಅಥವಾ ಸಂಯೋಜನೆಯಲ್ಲಿ) ಉತ್ತೀರ್ಣರಾಗಿರಬೇಕು:

ಜೊತೆಗೆ ಅಭ್ಯರ್ಥಿಗಳು 2024, 2025 ಅಥವಾ 2026 ರ ಸಾಲಿನ ಮಾನ್ಯತೆ ಹೊಂದಿರುವ ಗೇಟ್ (GATE) ಸ್ಕೋರ್ ಕಾರ್ಡ್ ಹೊಂದಿರಬೇಕು.

• ಕಂಪ್ಯೂಟರ್ ಸೈನ್ಸ್ ಹುದ್ದೆಗಳಿಗೆ: CS ಪೇಪರ್ ಕೋಡ್
• ಎಲೆಕ್ಟ್ರಾನಿಕ್ಸ್ ಹುದ್ದೆಗಳಿಗೆ: EC ಪೇಪರ್ ಕೋಡ್
• ಡೇಟಾ ಸೈನ್ಸ್ ಹುದ್ದೆಗಳಿಗೆ: DA ಪೇಪರ್ ಕೋಡ್

ಯಾವುದೇ ಪೂರ್ವ ಅನುಭವದ ಅಗತ್ಯವಿರುವುದಿಲ್ಲ.

ವಯೋಮಿತಿ:

30-09-2026 ಕ್ಕೆ ಅನ್ವಯಿಸುವಂತೆ;

➢ಸಾಮಾನ್ಯ ವರ್ಗ/ಇಡಬ್ಲ್ಯೂಎಸ್‌ ಅಭ್ಯರ್ಥಿಗಳಿಗೆ ಗರಿಷ್ಠ 30 ವರ್ಷಗಳು
➢ಇತರ ಹಿಂದುಳಿದ ವರ್ಗ (OBC – NCL)ಅಭ್ಯರ್ಥಿಗಳಿಗೆ ಗರಿಷ್ಠ 33 ವರ್ಷಗಳು
➢ಪ.ಜಾತಿ/ಪ.ಪಂಗಡ(SC/ST) ಅಭ್ಯರ್ಥಿಗಳಿಗೆ ಗರಿಷ್ಠ 35 ವರ್ಷಗಳು
➢ವಿಕಲಚೇತನರು(ಪಿಡಬ್ಲ್ಯೂಬಿಡಿ)ಅಭ್ಯರ್ಥಿಗಳಿಗೆ ಗರಿಷ್ಠ 40 ವರ್ಷಗಳು (ಎಸ್‌ಸಿ/ಎಸ್‌ಟಿ ಪಿಡಬ್ಲ್ಯೂಬಿಡಿ ಅಭ್ಯರ್ಥಿಗಳಿಗೆ 45 ವರ್ಷಗಳು ಮತ್ತು ಒಬಿಸಿ ಪಿಡಬ್ಲ್ಯೂಬಿಡಿಗೆ 43 ವರ್ಷಗಳು)
➢ಸರ್ಕಾರಿ ಸೇವಾ ಅಭ್ಯರ್ಥಿಗಳಿಗೆ ಗರಿಷ್ಠ 35 ವರ್ಷಗಳು (ಎಸ್‌ಸಿ/ಎಸ್‌ಟಿಗೆ 40 ವರ್ಷಗಳು ಮತ್ತು ಒಬಿಸಿಗೆ 38 ವರ್ಷಗಳು)

ಮಾಜಿ ಸೈನಿಕರು: ಸರ್ಕಾರಿ ನಿಯಮಗಳ ಪ್ರಕಾರ ವಯೋಮಿತಿ ಸಡಿಲಿಕೆ ಇರುತ್ತದೆ.

ಆಯ್ಕೆ ಪ್ರಕ್ರಿಯೆ:

ಮೆರಿಟ್ ಪಟ್ಟಿ(ಶಾರ್ಟ್‌ಲಿಸ್ಟ್): ಅಭ್ಯರ್ಥಿಗಳು ಸಲ್ಲಿಸಿದ 2024, 2025 ಅಥವಾ 2026 ರ ಗೇಟ್ (GATE) ಸ್ಕೋರ್ ಆಧಾರದ ಮೇಲೆ ಮೆರಿಟ್ ಪಟ್ಟಿಯನ್ನು ಸಿದ್ಧಪಡಿಸಲಾಗುತ್ತದೆ. ಮೂರೂ ವರ್ಷಗಳ ಗೇಟ್ ಸ್ಕೋರ್‌ಗಳಿಗೆ ಸಮಾನ ಆದ್ಯತೆ ನೀಡಲಾಗುತ್ತದೆ.

ದಾಖಲಾತಿ ಪರಿಶೀಲನೆ: ಶಾರ್ಟ್‌ಲಿಸ್ಟ್ ಆದ ಅಭ್ಯರ್ಥಿಗಳನ್ನು ಮೂಲ ದಾಖಲಾತಿಗಳ ಪರಿಶೀಲನೆಗೆ ಕರೆಯಲಾಗುತ್ತದೆ. ಯಶಸ್ವಿ ಪರಿಶೀಲನೆಯ ನಂತರ ತಾತ್ಕಾಲಿಕ ನೇಮಕಾತಿ ಆದೇಶ ನೀಡಲಾಗುತ್ತದೆ.

ಸಂಬಳ:

ಈ ಹುದ್ದೆಯು 7ನೇ ವೇತನ ಆಯೋಗದ (7th CPC) ಪೇ ಮ್ಯಾಟ್ರಿಕ್ಸ್ ಲೆವೆಲ್ 6ರ ಅಡಿಯಲ್ಲಿದ್ದು, ಮಾಸಿಕ ವೇತನ ಶ್ರೇಣಿ ರೂ.35,400 ರಿಂದ ರೂ. 1,12,400/- ಇರುತ್ತದೆ.

ಅರ್ಜಿ ಶುಲ್ಕ:

• ಸಾಮಾನ್ಯ ವರ್ಗ (UR) / OBC / EWS ಅಭ್ಯರ್ಥಿಗಳಿಗೆ: ರೂ. 800/- (ಪ್ರತಿ ಶಿಸ್ತು/ವಿಭಾಗಕ್ಕೆ ಪ್ರತ್ಯೇಕವಾಗಿ ಪಾವತಿಸಬೇಕು)
• SC / ST / PwBD ಮತ್ತು ಮಹಿಳಾ ಅಭ್ಯರ್ಥಿಗಳಿಗೆ: ಯಾವುದೇ ಅರ್ಜಿ ಶುಲ್ಕ ಇರುವುದಿಲ್ಲ (Nil).
• ಶುಲ್ಕವನ್ನು ಆನ್‌ಲೈನ್ (ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್) ಮೂಲಕ ಮಾತ್ರ ಪಾವತಿಸಬೇಕು. ಪಾವತಿಸಿದ ಶುಲ್ಕವನ್ನು ಯಾವುದೇ ಕಾರಣಕ್ಕೂ ಮರುಪಾವತಿಸಲಾಗುವುದಿಲ್ಲ.

ಅರ್ಜಿ ಸಲ್ಲಿಕೆ ಪ್ರಕ್ರಿಯೆ…

ಅಭ್ಯರ್ಥಿಗಳು ಅಧಿಕೃತ ಜಾಲತಾಣ https://recruitment.nic.in/ಗೆ ಭೇಟಿ ನೀಡಿ. ಅಲ್ಲಿ “To apply online for the post of Scientific/Technical Assistant-A Click Here (Last Date to apply : 30/09/2026 (05:30 P.M.))“ಎಂಬ ಶೀರ್ಷಕೆ ಮೇಲೆ ಕ್ಲಿಕ್ಕಿಸಿ.

ಮುಂದೆ ಹೊಸಪುಟ ತೆರೆಯುತ್ತದೆ. ತಾವು ಹೊಸ ಬಳಕೆದಾರರಾಗಿ ನೋಂದಣಿಯಾಗಿ. ಅರ್ಜಿ ನಮೂನೆಯನ್ನು ತುಂಬಿ, ಕೇಳಲಾದ ದಾಖಲೆಗಳನ್ನು ಅಪ್ಲೋಡ್ ಮಾಡಿ. ಕೊನೆಗೆ ಅರ್ಜಿ ಶುಲ್ಕ ಪಾವತಿಸುವ ಮೂಲಕ ಅರ್ಜಿ ಸಲ್ಲಿಸಬಹುದು.

ಮುಖ್ಯ ಲಿಂಕ್‌ಗಳು: